Шулуун гэдсэндээ өргөст хэмх “шургуулсан” имамыг албан тушаалаас нь авч хаяжээ
Мусульманы ариун ёс жаягийг чанд сахиж ижил хүйстэнтэйгээ явалдагчидийг хатуугаар цээрлүүлдэгээрээ алдартай лалын ертөнцөд нэр хүндийг нь сэвтээсэн айхтар хэрэг гарчээ. Хэрэг явдал лалын тугийг өндрөөр өргөж яваа Түрэг улсын Кайсери мужид болсон гэнэ. Мужийн имам буюу тэргүүн хамбын шулуун гэдэснээс нь гэнэт цус алдсан гэх анхан шатны оноштойгоор орон нутгийн эмнэлэгт яаралтай хүргэгдэж иржээ. Эмч нар мэс заслын багахан ажилбарыг шуурхай хийн имамын шулуун гэдэснээс урт гэгчийн өргөст хэмхийг гаргаж авсан гэнэ. Имам эмнэлэгт бүтэн нэг хоног хэвтээд гарчээ. Гэтэл удалгүй болсон хэрэг явдал орон нутгийн хэвлэлээр цацагдсан тул имам гуай тун эвгүй байдалд оржээ. Кейсари мужийн имамтай холбоотой “өргөст хэмхний” шуугиан өндөр авсанд Шашны хэргийг удирдах газар буюу Диянетийн шийдвэрээр дотоод шалгалт явуулж эцэст нь имамийг албан тушаалаас нь огцруулжээ. Гэхдээ хэрэг явдал үүгээр дууссангүй. Лалын сүм хийд болон Диянетийн шахалтаар орон нутгийн эмнэлгийн эмч нарт өвчтөний хувийн нууцыг задруулсан гэх үндэслэлээр бүр эрүүгийн хэрэг үүсгээд байгаа гэнэ.
НУУЦ.мн
