Нууц мэдээллийн уурхай

Хүний наймаачидад хүүгээ алдсан тахир дутуу эцэг дөрвөн хөллөн Хятадаар хэрэн хүүхдээ хайж байна. Чэнгү тосгоны Чэн Шэнкуань гэдэг хөгжлийн бэрхшээлтэй эрийн хүүг жилийн өмнө хулгайлжээ. Хүүг нь гадаа тоглож байхад нь хулгайлсан гэнэ. Хятадад удам залгах хүүгүй айл эрэгтэй хүүхэд худалдан авдаг агаад энэ нь маш их үнэтэй байдаг тул хүний наймаачид хөдөө тосгодоос хөвгүүдийг хулгайлдаг аж. Чэн тэр дор нь цагдаад мэдэгдсэн ч бүтэн жилийн турш хайсан цагдаа нар одоо тусалж чадахгүй гэсэн тул өөрөө дөрвөн хөллөн хүүгийнхээ эрэлд гарчээ. Тэрээр төрөлхийн тахир дутуу учир заримдаа дөрвөн хөлллөн явахад хүрдэг аж. Бүтэн хоёр сарын турш төрсөн мужаа хөндлөн гулд туулаад дараа нь 6,9 сая хүнтэй Жанцзянь гэдэг хотоор самнан хайсан гэнэ. Өдгөө тэрээр 120 сая хүнтэй Гуандун муж руу явж байна. Том хотод тэрээр хүүгийнхээ зурагтай цаас барин гудамжинд сууж эсвэл дөрвөн хөллөн сэжигтэй гэсэн айлуудыг ажиглаж хайдаг аж. “Хэн ч надад туслахгүй байгаа тул би өөрийн зөн билгээрээ л хүүгээ хайж байна. Хэдий бусдын адил явж чаддаггүй ч хүүгээ олтол дөрвөн хөллөөд ч хамаагүй хайсаар л байна” гэж хэвлэлд ярилцлага өгчээ.

 

 

NUUTS.mn