Хулгайч хүүгээ өвөрмөц аргаар шийтгэсэн эцэг эхийг цагдаад мэдүүлжээ
Нийтэлсэн: 2016-06-22 03:06:45
Гэрээсээ юм хулгайлж зарж шоуддаг хүүгээ залхаахын тулд аргаа барсан эцэг эх нь тун өвөрмөц арга хэрэглсэн тухай News Channel 10-д мэдээлжээ. Америкийн Нью-Мексико муж улсын Белен хотын фермер эхнэр нөхөр Жэйкоб болон Анжелина Богус нарын 16 настай хүү нь гэрээсээ эд зүйл хулгайлаад бүр хашраажээ. Олон ч удаа янз бүрийн аргаар засаж залруулах гэсэн боловч үр дүн гарсангүй. Эцэст нь хаширсан эцэг эх нь хүүгээ гэрээсээ гарган хашаандаа майханд байлгах болжээ. Хүү өглөөний 6 цагаас оройны 10 цаг хүртэл майхандаа л байдаг гэнэ. Зөвхөн бие засах үедээ эцэг эхийн хяналт дор гэртээ ордог аж. Хоол ундаа гэрийнхээ үүднээс авдаг. Орой болоход эцэг эх нь өрөөнд нь оруулж түгжээд өглөө гарган майханд нь оруулдаг. Энэ хачин байдлыг ажигласан хөршүүд нь гурвантаа цагдаа дууджээ. Хамгийн сүүлд нь хотын шериф өөрийн биеэр ирсэн ч хууль зөрчсөн, хүүхдийн эрхэнд халдсан гэх ямар нэгэн баримт нотолгоо олж чадаагүй аж Эцэг эх нь нь цагдаад “бид ямар ч муу муухай зүйл хийгээгүй, ердөө хүүгээ сайн гэгч нь хашрааж ухааруулах л гэсэн юм” хэмээн мэдүүлжээ. НУУЦ.мн
