Оросын Соёлын сайд буриад якутчуудыг доромжилжээ
Их гүрний дээрэнгүй үзэлд улам бүр автаж байгаа хойд хөршийн Соёлын сайд Владимир Мединский сүүлийн үед хийгдэж байгаа хүүхэлдэйн кинонуудын баатрууд нь царай гадаад төрхөөрөө их орос үндэстэнтэй бус харин ази маягийн төрхтэй болж байна хэмээн шүүмжилсэнд буриад якутчууд дургүйцлээ илэрхийлжээ. Дээрэнгүй сайдынхаар бол хүүхэлдэйн киноны баатрууд нь шар үстэй, цэнхэр нүдтэй буюу жинхэнэ орос төрхтэй байх ёстой аж. Гэтэл цагаан арьстнуудын түгээмэл энэ шинж оросуудад бараг байдаггүй бөгөөд харин ч эсрэгээр нь европынхон одоо ч оросуудыг ази төрхтэй гэж үзсээр ирсэн. Иргэдээ яс үндэс царай төрхөөр нь ялгаварласан бодлогийг нацист Германы Үзэл суртлын сайд Геббельс явуулж байсан бол өдгөө Оросын Соёлын сайд нь эхлүүлж байна. Ийнхүү Оросд иргэдээ ялгаварлан гадуурхах бодлого төрийн дээд түвшинд хүртэл халдварласан аж.НУУЦ.мн
