Үхрийн махан лазанья хийх арга
Хайртдаа ямар нэг онцгой хоол хийж өгч баярлуулмаар л байгаа биз дээ.Орц нь олдоц сайтай, хийхэд тийм ч хэцүү биш энэхүү Италийн үндэсний хоол таны гарын зоогны тоог нэгээр нэмнэ гэдэгт итгэлтэй байна.
Үхрийн махан лазанья хийх арга
Орц:
бяслаг 350гр
улаан лооль 500гр
сонгино 1ш
ургамлын тос 2/хх
сүмс 1х/х
татсан үхрийн мах 300гр
амтат улаан чинжүү 1ш
цөцгийн тос 60гр
гурил 60гр
сүү 300мл
Лазани зуурмагт:
гурил 100гр
Хийх арга:
1. Бяслагийг шоо хэлбэртэй хэрчинэ. Сонгино, сармисыг жижиглэн чинжүү, улаан лоолийг мөн шоо хэлбэртэй хэрчинэ.
2. Тос хийж халаасан хайруулын тавганд сонгино, сармисыг бага зэрэг хуураад дээр нь татсан үхрийн мах, улаан лооль, чинжүү, давс, повоор нэмж үргэлжлүүлэн хуурна.
3. Сүмс бэлтгэх: Цөцгийн тосыг хайлуулж гурилаа нэмээд цайвар шаргал өнгөтэй болтол хуурч дээр нь сүү, давс, повоор нэмж зөөлөн гал дээр өтгөртөл нь чанана.
4. Лазани зуурмаг бэлтгэх: Гурил, өндөгний шар, ургамлын тос, давсаа хольж зуурмаг бэлтгээд 3-4 хэсэг болгон хувааж шарах шүүгээний тэвшний хэмжээтэй, 5мм-ээс зузаангүй элдэнэ.
5. Шарах шүүгээг 200 хэм хүртэл халааж, тэвшийг тослоод, ёроолд нь бага зэрэг сүмс хийж, шанзыг жигдхэн тараан тавьж дээгүүр нь бяслаг цацаж сүмс, лазани гурилаар бүрхэж өгнө. Иймэрхүү маягаар 2-3 үе давхарлан тавьж, хамгийн дээд талын лазани гурил дээгүүр бяслаг цацаж шарах шүүгээнд шаргалттал нь жигнэнэ.
