“Алибаба”-гийн Мак Жа хятад хулхи барааг оригиналаас нь сайн гэж магтжээ
Нийтэлсэн: 2016-06-17 07:28:27
Хятадын Ханжоу хотод болсон бизнесийн зөвлөгөөний үеэр “Алибаба”-н ТУЗ-ийн дарга, тэрбумтан Мак Жа “дэлхийн бренд болсон бараа бүтээгдэхүүнээс тэдний дууриамлууд нь чанар сайтай бас үнэ хямд байдгаараа илүү юм. Брэндүүдийг хулхи бараа бус харин тэдний бизнесийн шинэ загвар нь балладаг” гэсэн нь дэлхий дахинд шуугиан тарьжээ. Болсон явдалтай холбоотойгоор Хятад орж ирсэн дэлхийн ихэнхи брендүүдийн төлөөлөгчид эсэргүүцэл илэрхийлж дургүйцэж байгаагаа мэдэгдсэн. Харин Жак Ма хулхи бараа үйлдвэрлэгчидтэй тэмцэл хийх нь улам хүнд болсонтой холбоотойгоор ийм үг хэлсэн хэмээн залруулжээ. Дэлхийн брэндүүд хямд ажиллах хүч хайн өөрсдөө Хятад орж ирсэн. Өдгөө ихэнхи брэндүүд нь бүр нутагшисан гэнэ. Дууриамал үйлдвэрлэдэг хятадын компаниуд яг ижил технологиор ижил түүхий эдээр мөн хүчин чадлын хувьд ижил техник машинаар үйлдвэрлэж байгаа гэнэ. Харин барууныхан үүнийг нь “Алибаба” өөрийн онлайн худалдаагаар голдуу хулхи дууриамал бараа борлуулдагаа зөвтгөх гэсэн үйлдэл хэмээн хүлээн авчээ. Хятад хамгийн том онлайн худалдааны сүлжээг үүсгэн байгуулагчийн хувьд Мак Жаг хулхи бараа, дууриамал үйлдвэрлэгчидтэй олигтой тэмцдэггүй хэмээн эртнээс шүүмжилж байгаа билээ.
НУУЦ.мн
We deienftily need more smart people like you around.