Нууц мэдээллийн уурхай

УИХ-ын гишүүн М.Батчимэгийн зөвлөх З.Пагмажавт эх орноосоо урвасан хэргээр 16 жилийн ял оноосон тухай мэдээлэл цацагдсан билээ. Тодруулбал, З.Пагмажав ньТайвань руу Монгол Улстай холбоотой мэдээлэл гаргадаг байсан нь тогтоогдсон учир Эрүүгийн  хуулийн 79.1-ээр зүйлчилж уг ялыг оноосон байна.
З.Пагмажавын тухайд чухам яар мэдээлэл задруулсан гэдэг нь улсын нууцад хамаарагдах тул энэ талаарх дэлгэрэнгүй мэдээллийг хуулийн байгууллага задруулах боломжгүй байгаа бололтой.
Эх орноосоо урвасан гэх хэрэгт буруутгагдаад буй З.Пагмажавын тухайн М.Батчимэгийг Ерөнхийлөгчийн Үндэсний аюулгүй байдлын бодлогын зөвлөхөөр ажиллаж байх үеэс зөвлөхөөр нь ажиллаж байсан нэгэн юм байна.
Эх сурвалжаас авсан мэдээллээр З.Пагмажав нь Тайвань Улсаас их хэмжээний мөнгө авч, Монгол Улстай холбоотой мэдээллийг дамжуулдаг байсан агаад энэ байдлыг нь Тагнуулын байгууллага эртнээс хараандаа авч мөрдөх ажиллагаа явуулсны эцэст уг хэргийг илрүүлсэн бололтой. Түүнчлэн З.Пагмажав нь Монгол Улсын нууцын зэрэглэлд хамаарагдах хэд хэдэн баримт материалыг хятад хэлэнд орчуулан мэйлээр гадаад улсруу явуулж байсан нь мөрдөн байцаалтын явцад баримтаар нотлогдож шүүхээс ял сонсох үндэслэл болсон гэдгийг эх сурвалж онцолж байгаа юм.. 
ХаринМ.Батчимэггишүүн нь Тайвань улсад 2005-2008 оны хооронд Тайбэй дахь Улаанбаатарын худалдаа, эдийн засгийн газрын төлөөлөгчийн газрын тэргүүнээр ажиллаж байсан. 1991-1995 оны хооронд Бээжингийн хэл соёлын их сургуулийг Хятад хэл түүх судлаач мэргэжлээр, 1999-1997 онд Тайванийн төрийн их сургуульд улс төр судлалын магистрантаар суралцаж төгсжээ.
Хэвлэлд мэдээлсэнчлэн М.Батчимэгийн нөхөр Ц.Эрдэнэбаяр ч мөн адил Тайвань улстай ямар нэгэн байдлаар холбоотой бололтой. Учир нь тэрбээр Тайванийн 100 хувийн хөрөнгө оруулалттай “Кэй энд Ти констракшнийн захирлаар ажилладаг нэгэн аж. Уг компанийн тухайд өнгөрсөн хугацаанд Аманхуур цогцолбор хотхныг иж бүрнээр нь барьж байгуулсан байна. Эх сурвалжийн мэдээлж байгаачлан З.Эрдэнэбаяр нь АН-д томоохон байр суурь эзэлдэг нэгэн гэнэ.
Тэгвэл түүний энэхүү асуудалтай холбогдуулж нэр бүхий улс төрчид өөрсдийн байр сууриа илэрхийлж эхэллээ. Тухайлбал, ШӨХТГ-ын даргаасан О.Магнай, УИХ-ын гишүүн М.Батчимэгийн зөвлөх гадны тагнуулын байгууллагдаж ажилладаг байсан нь тогтоогдож шүүхээс 16 жилийн ял оноожээ. ТЕГ ажлаа сайн хийсэн байна. Одоо ёс зүйн хувьд М.Батчимэг нь УИХ-ын гишүүний ажлаа үргэлжлүүлэх хийх зохисгүй бөгөөд сайн дураараа татгалзах ёстой” хэмээжээ. Ямартай ч О.Магнайгийн үзэж буйгаар бол М.Батчимэг эл хэрэг явдалтай холбогдуулж гишүүний бүрэн эрхээсээ татгалзах хэрэгтэй аж. Гэвч гишүүний зүгээс цаашид ямар шийдвэр гаргаж, мэдэгдэл  хийхийг цаг хугацааны хувьд харах л үлдлээ.
Өөрийнх нь туслахийн хүү Монгол Улсаас урвасан гэх хэрэгт холбогдон, шүүхээр таслан сэргийлэгдэж, бүрэн эрхээсээ татгалзахад хүрч байсан, Орхон аймгийн намаасаа хөөгдсөн ч ёс зүйтэй гэгддэг эрхэм гишүүн тойрог сэлгэн нэр дэвшиж байгаа нь түүний арыг “бат” найдвартай байлгадаг хэн нэгэн байгааг илэрхийлж байна.