“Хүүхэд бүр цэцэрлэгт” хөтөлбөр олон нийтийн хүсэл сонирхолд нийцжээ
Нийтэлсэн: 2016-06-15 06:58:03
(3).jpg)
Урьд нь Монголын төр тодорхой нэгэн жилийг хүүхдийн хэмээн тодотгон зарлаж эх орны залуу халаа өсвөр үеийнхэнд чиглэсэн цогц бодлогийг дэс дараатай авч явуулдаг байсан. Тэгвэл нэгэн үе мартагдаад байсан энэ уламжлалыг улстөрийн ууган нам МАН авч хэрэгжүүлэхээр сонгуулийн мөрийн хөтөлбөрдөө тодорхой тусгалаа. Тус намын мөрийн хөтөлбөрд “Хүүхэд бүр цэцэрлэгт” гэсэн бодлогийн томоохон бүлэг асуудал тусгагдаад байна. Хичээлийн жил эхлэнгүүт Монголын хамгийн том асуудал цэцэрлэг, сургуулийн хүрэлцээгүй байдал болдог. Хүүхдээ цэцэрлэгт оруулах гэж өдөржин, шөнөжин дугаарлан зогсох нь энгийн үзэгдэл. Тэгвэл улс төрийн ууган нам МАН энэ асуудлыг шийдэх гарцыг танд санал болгож байна. "Хүүхэд бүр цэцэрлэгт" хөтөлбөр хэрэгжүүлж, цэцэрлэгийн чанар, хүртээмж, материалыг баазыг бүрдүүлнэ. Ажилчдынхаа хүүхдүүдэд зориулсан "Байгууллагын цэцэрлэг"-ийг төрөөс бодлогоор дэмжинэ. Түүнчлэн бага насны хүүхдийг осол гэмтлээс сэргийлэх, эцэг эхийн хариуцлагыг өндөржүүлэх хөтөлбөр хэрэгжүүлэхээр МАН-ын мөрийн хөтөлбөрт заажээ.
