БҮХ АРД ТҮМНИЙ СПОРТЫН XIV ИХ НААДМЫН БУУДЛАГЫН ТЭМЦЭЭНИЙ НЭЭЛТ БОЛЛОО
Нийтэлсэн: 2016-06-09 04:23:13
Өнөөдөр Монголын бүх ард түмний спортын XIV их наадмын буудлагын тэмцээн Батлан хамгаалах их сургуулийн төв талбайд боллоо. Тэмцээнийг нээж Эрүүл мэнд, спортын сайд С.Ламбаа нээж үг хэлэн нийт тамирчдад амжилт хүслээ. Энэ удаагийн тэмцээнд нийт 8 аймаг, 5 спорт хороо, 9 клубын 280 гаруй тамирчид оролцож байгаа бөгөөд үдээс өмнөх дасгалуудын урт бууны төрөлд Рио-2016 олимпод оролцох эрх аваад байгаа, замчин спорт хорооны тамирчин Г.Нандинзаяа Монгол улсын рекордыг 420.7 оноогоор шинэчлэн тогтоосон бол мөн Сүхбаатар аймгийн тамирчин М.Түвшинжаргал 396 оноогоор олон улсын хэмжээний мастерыг болзлыг хангасан байна. Мөн нээлтийн арга хэмжээний үеээр Монголын буудлагын холбооны шүүгч, гавъяат дасгалжуулагч Л.Ундралбат, Д.Лхамсүрэн, Г.Тэгш-Үйлс, Л.Уранзаяа, Т.Энхзаяа нар олон улсын буудлагын холбооны шүүгч боллоо.
