11 настай баян британи охин нэг хувцсыг хэзээ ч дахиж өмсдөггүй гэнэ
Бүр зарим хувцсаа өмсөж амжихгүй явсаар байгаад багадуулчихдаг гэдгээ 11 настай англи охин Лили-Рей Изатт-Порт өөрийн цахим хуудсаараа баярхжээ. Тэрээр долоо хоног бүр дэлгүүр хэсдэг тул уул овоо шиг хувцастай гэнэ. Эцэг эх нь сар бүр халаасны мөнгө хэмээн мянган фунт өгөхөөс гадна аав нь 16 насандаа франц хэлийг төгс эзэмшиж эсвэл ямар нэгэн хөгжмийн зэмсэгээр тоглож сурвал 10 мянгыг нэмж өгөхөөр амлажээ. Лили хичээл тараад заавал ямар нэгэн давтлага сургалтанд суудаг. Охин бүжиг, усан сэлэлт, гольфийн секцээс гадна франц хэлийг франц багшаар заалгадаг гэнэ. Түүний хувцасны шүүгээг онгойлгож үзсэн хэн ч гэсэн дуу алддаг. Хичээлдээ Prada брэндийн туфль өмсөж Longchamp цүнх барьдаг. Түүний дуртай загвар нь Moncler Chloe брэндийн хослол гэнэ. Өөрийн өөрийн цахим хуудсандаа хэдэн мянган дагагчтай агаад саяхан нэгэн том загварын компанитай гэрээ байгуулсан тухайгаа мэдээлжээ. “Надад үнэхээр олон төрөл загварын маш их хувцас гутал бий. Заримыг нь би худалдаж авснаасаа хойш нэг ч удаа өмсөөгүй. Үнэндээ өмсөж амжихгүй явсаар байгаад багадуулчихдаг. Би нэг өмссөн хувцсаа хэзээ ч дахин өмсөж байгаагүй” гэсэн нь олныг шуугиулжээ. Хэдийгээр маш олон дугуйлан секцэнд явдаг ч эцэг эх нь хэзээ ч албадаж байгаагүй гэнэ. “Тэд надад зөвхөн сайн сайхныг л хүсдэг. Амжилт гаргахын тулд миний зүтгэл боломжийг дээд зэргээр нээх л гэдэг. Би эцэг эх хоёроосоо хэн их ажиллана тэр амьдралаас их зүйл авдаг гэдгийг ойлгосон” гэжээ. Охины эцэг нь хөрөнгийн биржийн нэртэй наймаачин гэнэ.
