Засаг дарга Ж.Батсуурь иргэдээ “хулгайч, баасаа идсэн гуйлгачин” гэж доромжилдог
Сүхбаатар аймгийн Засаг дарга Ж.Батсуурь АН-аас УИХ-д нэр дэвших эрхээ аваад тунчиг баяртай яваа гэнэ. Харин эрхэм даргыг дээшээ дэвших бүрийд түүнд доромжлуулсан иргэд улам доошоо дарагддаг болжээ. Тус аймгийн эмнэлгийн байранд амьдарч байгаад хөөгдсөн иргэд Засаг даргаасаа 98 сая төгрөгийн хохирлоо нэхэмжилсэн ч одоо болтол шүүхээр заргалдаж яваа аж. Ж.Батсуурь төрийн эрх мэдлээр далайлган 2010 оны 9-р сарын 8-нд иргэн М.Энхбаатар нарын амьдарч байсан байрыг хүчээр нурааснаас хойш өдгөө 5 жил шахамын нүүр үзэж байгаа. Иргэдийг орох оронгүй болгосноос гадна хэвлэл мэдээллээр “хулгайч луйварчин” гэж хэлэн сэтгэл санааны маш их хохирол учруулсан гэж И.Энхбаатар шүүхэд гаргасан гомдолдоо дурдаж. Засаг дарга 2011 оны 2-р сарын 20-нд орон нутгийн телевизээр ярилцлага өгөхдөө түүнийг “залилан хийсэн” гэж ярьж.бүр түүнийгээ товхимол болгоод тараасан гэнэ. 2011 оны 12-р сарын 2-нд Ж.Батсуурьтай өрөөнд нь орж уулзсан биш “хулгайч баасаа идсэн гуйлгачин, муусайн гөлөгнүүд” хэмээн доромжлуулаад гарчээ. Засаг даргын захирамжаар газар албадан чөлөөлөх ажиллагаа явуулахдаа маш балмад аргаар хийгдсэн гэнэ. Байшин буулгах үед гэрийн эд хогшлыг нь шууд гадаа гаргаад хаяж байж. Үүнээс болж зурагт нь бороонд норон шатжээ. Дээвэрт хадгалагдаж байсан өвлийн хувцсаа ч авч чадалгүй нурангид даруулсан гэнэ. Энэ мэтээр хохирсон хэд хэдэн иргэн байдаг агаад эрх мэдэлтэй Засаг даргаасаа хохирлоо гаргуулахаар тав дахь жилдээ шүүхийн босгыг элээж яваа гэнэ. Баасаа идсэн гуйлгачин гэж иргэдээ доромжлох эрх Ж.Батсуурьд байна уу?
Ийм л хүн төрийн эрхэнд гарахаар санаархаж байна шүү дээ.
NUUTS.MN
