БЗД-ийнхэнийг 12 жил уртын харайлт хийлгэсэн Д.Ганхуяг Архангай руу “зайллаа” ашгүй
УИХ-ын хамгийн идэвхигүй гишүүдийн нэг атлаа БЗД-ээс 3 удаа сонгогдож чадсан Д.Ганхуяг гэж гайхамшигтай худалч гишүүн нэг байна аа. Тэрээр 2004 оноос хойш Баянзүрхчүүдийг бүтэн 12 жил хуурсаны эцэст арай гэж нэг юм Архангай руу зайллаа. Анхлан гарч ирэхдээ Баянзүрхчүүдийг үерийн аюулаас аварч суваг шуудууг нь янзлаад өгөх юм ярьж сонгогдож байсан ч өнөөдрийг хүртэл энэ дүүргийнхэн борооны дараа барьц алдаж, уртын харайлт хийсээр. 2012 онд Уул уурхайн айхтар том амлалт амлаж БЗД-ээс сонгогдсоноосоо хойш бараагаа ч харуулаагүй Д.Ганхуяг энэ дүүрэг рүү дахин ирэх нүүргүй болсон, угаасаа ч энэ дүүргийнхэн түүнийг дахин сонгохоосоо өнгөрсөн гэдгийг мэдэрсэн үү өөрийнхөө төрсөн нутаг Архангай руу явлаа. БЗД-ийнхэнийг гурвантаа хуурсан хоосон амлалтаа тэврээд Арын сайхан хангайг зорин, “Мөнгөн бороо” Г.Тэмүүлэнтэй нэгийгээ үзэж, нэхий дээлээ уралцахаар явлаа даа Д.Ганхуяг.
Буцах хүнд үнээ тугал нийлэх нь хамаагүй гэдэгчлэн Д.Ганхуяг БЗД-ийнхэнээ аль эртээ мартсан. Тэр хүн өдгөө Архангайд айл хэсэн, хөдөөгийнхөний тархийг угаан үлгэрээ ярьж яваа. Харин бид тун удахгүй эхлэх уртын харайлтандаа бэлдээд байж л байхаас.
О.Мичид
АТГ.МН
