Ч.Сайханбилэг, Э.Бат-Үүл сэнтийд заларч хүүхдүүд газарт сууж “баярлав”
Үүл баатар гуай хотын дарга болсноосоо хойш Ардын намынхныг дарга болох, хүндлүүлэх,”бөгсөө долоолгох” ясны дуртай хэмээн гайхаж толгойгоо сэгсэрдэгсэн байсан. Тэгвэл өнөгрөсөн жилүүдэд АН нь далан жил түмний нурууг бөхийлгөж явсан МАН-аас аль муу муухай бүхнийг нь бүр өөрсдөөсөө нь илүү гартал сурцгаажээ. Хүүхдийн баяр болж байхад улстөрчдийн баяр болсон мэт Ч.Сайханбилэг, Э.Бат-Үүл, Ч.Баттулга нар талбай голлуулж тавьсан сандалд тухлаад харин баярын жинхэнэ эзэд болох хүүхдүүд газраар “заларчээ”. Халуун наранд хүүхдүүд бохирч суугаад хөл нь өвдөнө гэдгийг дарга нар Үүлэн дээрээс харахгүй. Хажуунаас нь нэг нь хэлчихвэл битгий попдоод бай гээд зад загнана. Сонгууль дөхөж байхад ганц ч гэсэн “оноо” авчихья гээд өвөр дээрээ хүүхэд суулгах нь байтугай нь хөл нь өвдөө биз гэх өрөвдөх өчүүхэн ч гэсэн сэтгэл алга. Тэгээд ч ардын офшоргүй хүүхдүүд гэж хажиглаа биз. Энэ зураг өнгөрсөн дөрвөн жилд АН ард түмэндээ хэрхэн хандаж ирсэнийг хамгийн тодоор харууллаа. Тусгай хангамж онцгой эрх ямбыг хурцаар шүүмжилж гарч ирсэн ардчилагчид өдгөө түүндээ өлгийдүүлээд мансуурч байна. Социализмын үеийн дарга нар нарийн бичигтэй л байсан бол энэ намаас гарсан хурган дарга нар цүнх барьдаг, машины хаалга онгойлгодог, хүүхдийг нь салхинд гаргадаг үүрэгтэй туслах гээчийг нэмж өөрсөддөө авсан. Түүнээс гадна энэ зураг нь ирэх сонгуулийн өнгийг хэлээд байх шиг. Зөөлөн сандал дээр тарвалзаж байгаа дарга нар удахгүй унах ямар муухай бас газар ямар хатуу гэдгийг мэдрэнэ дээ…
NUUTS.mn
