Амбер Хёрд нөхөрдөө зодуулдагаа батлан нөх няц болсон нүүртэй шүүх хуралд иржээ
Нийтэлсэн: 2016-05-30 00:23:07
Алдарт жүжигчин Жонни Деппын эхнэр Амбер Хёрд Калифорни мужийн шүүхэд нөх няц болсон нүүртэй ирж нөхөр нь түүн лүү айфон утсаа шидсэн хэмээн мэдүүлжээ. Мөн байнга зоддог, гэр бүлийн хүчирхийллийн аймшигт нөхцөлд амьдардаг хэмээн гэр бүл цуцлах өргөдлийг нь хэлэлцэж байгаа шүүх хуралд мэдүүлэг өгчээ. 30 настай тэрээр 52-той Жонни Депптэй 16 сар хамт амьдарсны эцэст ийнхүү гэр бүлээ цуцлуулахаар шүүхэд ханджээ. “Тэр яг л бейсболын тоглогч шиг дайлайж байгаа утсаа миний нүүр лүү шидсэн. Нүднээс гал бутран буйдан дээр унахад үснаас татаж шалан дээр унагасан. Дараа галзуу зэрлэг юм шиг хашгичан миний дээр гараад толгой цээж рүү цохисон” хэмээн хөөрхий Амбер баталсан гэнэ. Мөн сүүлийн зургаан сарын дотор таван удаа зодсон гэжээ. Одоогоор шүүх хэргийг хянан хэлэлцтэл Жонни Деппийг эхнэрдээ 100 метрээс дотогш ойртохыг хориглосон шийдвэр гаргаад байгаа тухай Daily Mail сонинд мэдээлжээ.
НУУЦ.мн
