Биатлоны холбоо “ENERGY DIET”-тэй хамтрахаар боллоо
Нийтэлсэн: 2016-05-27 01:19:02
Олон улсын “Nl international” кoмпанийн 17 дахь салбар манай улсад үүдээ нээгээд байгаа билээ. Үүний илэрхийлэл нь тус компанийн салбартай Монголын Биатлоны холбооны төлөөлөл хамтран ажиллахаар болж, сургалт, мэдээллийг нь авсан юм. Биатлоны тамирчдын хувьд өнгөрөгч гуравдугаар сараас тус компанийн "ENERGY DIET" бүтээгдэхүүнийг хэрэглэж эхэлсэн бөгөөд үр дүн тун ч таатай байгаад сэтгэл хангалуун байгаагаа илэрхийлээд, цаашид хамтын ажиллагаагаа үргэлжүүлэх сонголтоо хийсэн гэдгээ ийн албан ёсоор мэдэгдэж буй нь энэ. Сургалт мэдээллийн үеэр Монголын Биатлоны холбооны нарийн бичгийн дарга Б.Наран-Идэр, “NL international” компанийн менежер Т.Уранболор, “NL international” компанийн менежер К.Влада нар тамирчдын ирээдүйн амжилт “ENERGY DIET”-тээс ихээхэн шалтгаална хэмээж байлаа.“Nl international” компанийн бүтээгдэхүүнүүд нь эрүүл амьдралын төлөө хамтдаа урианы дагуу үйлдвэрлэгдсэн “Уушиг, амьсгалын замыг цэвэрлэж эрүүлжүүлэх”, “Бүтэн биеийн цэвэрлэгээний”, “Тархины үйл ажиллагааг дэмжих” зэрэг олон төрлийн багцууд байдаг бөгөөд “ENERGY DIET”-ийг тамирчид ихээр хэрэглэдэг байна. “ENERGY DIET” нь 23 төрлийн эрдэс бодис, витаминийг агуулсан ухаалаг хоол юм. Энэхүү хоолыг сонгосноор хүч тамир сэргэж, эрдэс бодисын дутагдалд орохгүйгээр бие организмдаа зохистой тэжээл авах боломжтой аж.
NUUTS.mn
