Сэлэнгийн АН З.Энхболдыг эсэргүүцэн С.Баярцогтыг нэр дэвшүүллээ
Офшортонгуудыг нэр дэвшүүлэхгүй хэмээн олон нийтээс оноо салгаж хажуугаар нь МАН-д хатгаас хийх гэсэн З.Энхболдын ажиллагаа эргээд өөрийх нь эсрэг чиглэж эхэллээ. Уг нь санаа нь “зөв” энэ төлөвлөгөө санамсаргүйгээр эргээд АН дахь Зи-гийн дарангуйллын тухай шуугиан болж хувирах нь тэр… МАН ч өлгөж аваад манай намд нэр дэвшүүлэхийг Бага хурлын 310 гишүүн мэддэг бол АН-д ганцхан хүн л мэддэг хэмээн сөрөг хатгаас хийж байна. Болхи удаан Ардын намаас ийм хурдан овжин хариу үйлдэл гарсан нь гайхалтай. З.Энхболд С.Баярцогтын талаар шийдвэр гаргахдаа орон нутгийн намын байгууллагыг нь дутуу үнэлсэн нь харагдаж байна. Сэлэнгийн АН ямар ч хамаагүй үнээр ганц гишүүнээ хамгаална гэдэгийг тооцсонгүй. Харин орон нутгийн намын хороод нь одоо нэг хүний дарангуйллын эсрэг босоцгоон С.Баярцогтыг албан ёсоор нэр дэвшүүлжээ. Одоо З.Знхболд намын дарга гэдэг том нэр хүндээ хамгаалах хэрэгтэй бололоо. Өөрийнх нь нэр дэвшүүлэхгүй гэж олон нийтэд зарласан хүн нь албан ёсоор нэр дэвшээд гараад ирвэл сонгуулийн өмнө нь буурч байгаа нэр хүндэд нь ахин нэг том цохилт болох нь мэдээж.
НУУЦ.мн
