Экс дарга Д.Батмөнх нь Д.Тэрбишдагвын зөвшөөрөлгүйгээр нэг ч томилгоо хийж чаддаггүй байжээ
Саяхан МАХН-ын нэрээр төрийн том агентлагуудын даргын суудалд заларч байсан Д.Батмөнх, Т.Дуламдорж нар намаасаа гарч байгаагаа мэдэгдээд хүүхдийн живхээр мялаалгасан. Тэдний хувьд ганц найдвар нь Намбарван биш харин ТБД л байсан. ТБД хаашаа гэнэ тэд тийшээ л хөдөлдөг, нүдний харц гарын дохиог нь л хүлээж байдаг улстөрийн хувьд бие даах чадваргүй “нялцгайнууд” юм. МХЕГ-ын даргаар ажиллаж байсан Д.Батмөнхийн тухайд л гэхэд тэрээр тухайн үед шадар сайд байсан Д.Тэрбишдагвын зөвшөөрөлгүйгээр нэг ч томилгоо хийж чаддаггүй явсаар л суудлаасаа мултарсан. Ж.Э нь МХЕГ-аас зарласан Архангай аймгийн Мэргэжлийн хяналтын газрын даргын ажлын байрны сонгон шалгаруулалтад 2013 онд орж тэнцээд газрын дэргэдэх Төрийн албаны салбар зөвлөлийн тогтоолыг үндэслэн газрын даргын тушаалаар аймгийн мэргэжлийн хяналтын газрын даргаар томилогджээ. Жилийн дараа шүүхийн шийдвэрийг хэрэгжүүлэх тушаалаар ажлаас чөлөөлөгдсөн. Үүний дараа Төрийн албаны зөвлөлд дээрх асуудлаар өргөдөл өгч мөн МХЕГ-ын дарга Д.Батмөнхтэй уулзахад Хэнтий аймгийн Мэргэжлийн хяналтын газрын даргаар ажиллах санал тавьсанд зөвшөөрчээ. Гэтэл томилгоо хийхгүй нэлээд удсан агаад энэ хугацаанд Хэнтий аймгийн Мэргэжлийн хяналтын газрын даргын албан тушаал эзэнгүй байсаар байжээ. Харин Д.Батмөнх нь хүлээж бай удалгүй тушаал гаргана гэсэн хариуг өгсөөр явж. Ахин нэлээд хүлээсний дараа өөрийн биеэр очиж уулзахад шадар сайд Тэрбишдагва өөр хүн томил гээд байна та хүлээж бай гэсэн аж. Гэтэл тэр зүтгүүлээд байсан хүн нь удирдах ажилтны сонгон шалгаруулалтад ороогүй иргэн байсан нь дараа нь мэдэгджээ. Гэсэн ч бие даан шийдвэр гаргах чадваргүй Д.Батмөнх нь ямар нэгэн ажилд томилохгүй байсаар Ш.Раднаасэдэд ажлаа өгсөн. Үүнээс үзэхэд тухайн үед МХЕГ-ын дарга нь Д.Батмөнх бус харин Д.Тэрбишдагва байсан нь тодорхой харагдаж байна.
