“Единая Россия” намаас төрийн Думд нэр дэвшигч жүжигчин бүсгүй нүцгэлж байжээ
Нийтэлсэн: 2016-05-23 13:29:10
.jpg)
.jpg)
.jpg)
Эрх баригч “Единая Россия” намаас төрийн Думд нэр дэвшигч жүжигчин Юлия Михалковыг цахим орчныхон ширүүн дайрцгааж байна. Тэрээр жүжигчин нэвтрүүлэгчийнхээ ажлын хажуугаар улстөрд орохоор шамдан “Единая Россия” намыг дэмжигчдийн бүс нутгийн зохицуулагчийн албыг хашдаг гэнэ. Өдгөө төрөлх Екатеринбург хотдоо Думын сонгуульд нэр дэвшжээ. Харин сөрөг хүчнийхэн нь түүний шалдан зургуудыг нь сануулан улстөрөөс зайлахыг шаардаж байгаа аж. Тэрээр “Уральские пельмени” гэдэг реалити-шоугаараа олон нийтэд танил болжээ. Дараа нь нэлээд ирээдүйтэй гэгдэж байсан Свердловск мужийн депутат Игорь Даниловыг дэгээдэн гэрлэсэн ч нөхөр нь мужаасаа цаашаа ахисангүй тул хаяжээ. Удалгүй “Единая Россия” намыг бараадаж дэмжигчдийнх нь хөдөлгөөнд нэгдсэн гэнэ. Энэ зууртаа алдарт Maxim сэтгүүлд цуврал нүцгэн зургаа гаргажээ. Нүцгэн гоо бүсгүйн улстөрд орсон нь тун сонирхолтой гэнэ. Ерөнхий сайд Медведев нь “Единая Россия” намыг залуучуудаар цус сэлбэхийг шаардсан. Түүнээс гадна Кремлийн талыг баримтлагч улстөрийн хар технологич гэгддэг Константин Рыков нь намын дээд удирдлагад Оросын улстөрд секси улстөрч эмэгтэйчүүд маш ихээр дутагдаж байна гэж ойлгуулсны хүчинд Юлия Михалковын карьер ногоон гэрлээр урагшилсан аж.
