С.Бямбацогт: Офшорт холбогдсон гээд нэр дэвшихийг нь хязгаарлавал хүний эрхийг зөрчсөн болно
.jpg)
МАН-ын бүлгийн дарга С.Бямбацогт, дэд дарга Д.Хаянхярваа нар мэдээлэл хийлээ. Энэ үеэр олон нийтийн сонирхлыг татаж байсан офшор данстай нөхдүүдийг намаасаа нэр дэвшүүлэх эсэхэд хариулт өглөө. С.Бямбацогт “Энэ төслийг оруулж ирсэн нь улс төрийн зорилготой байхыг үгүйсгэхгүй” гэсэн ч хэлэлцэх нь зүйтэй гэж үзсэн байна. Улс төрийн, захиргааны болон тусгай албаны удирдах албан тушаалтан, тэдний хамаарал бүхий этгээд нь оффшор бүсэд оффшор данс эзэмших, нээх, оффшор бүсэд мөнгө байршуулахыг хориглох агуулга бүхий уг төслийг бараг гурван жилийн өмнө УИХ-д өргөн мэдүүлж, анхны хэлэлцүүлгийн хүргээд буй. Харин тус төсөлд дээр дурдсан албан тушаалтнууд гадаадын иргэнтэй гэр бүл болохыг хориглохоор тусгасныг хүний эрхийг хөндсөн асуудал юм. Гэм буруутай нь тогтоогдож байж эрхийг нь хасах тухай ярих учиртай. Оффшорт нэр нь холбогдсон учраас нэр дэвшихийг нь хязгаарласан хуулийн заалт хаана ч алга. Өөрөөр хэлбэл, тийм хүмүүсийг сонгуульд нэр дэвшүүлэхгүй байх үндэслэл алга. Хууль, хяналтын байгууллагууд оффшор данстай байх нь хууль зөрчсөн үйлдэл мөн, эсэхийг тогтоох хэрэгтэй. Оффшор болгоныг муухай гэж хэлж болохгүй байх” гэв.
