С.Баярцогт дэвшихгүй сургаар Сэлэнгийн МАН-д баяр болжээ
Өнгөрсөн амралтын өдрүүдийн гол шуугиан нь АН-ын дарга З.Энхболд офшорын хэрэгт холбогдсон С.Баярцогтыг нэр дэвшүүлэхгүй гэдгээ зарласан явдал байлаа. Ийнхүү төрийн дээд удирдлага маань улстөрийн дээд түвшинд “ариун дайн” хийж эхэллээ. Гэхдээ энэ нь ард түмэндээ гэхээс илүүтэйгээр МАН-д барьж байгаа “бэлэг” буюу хатгаас юм. Одоо Ардын нам ямар хариу үйлдэл үзүүлэх нь сонин. МАН-ын дарга нар одоогоор хариулт өгөөгүй бол дунд түвшинд нь баярлаад эхэлжээ. С.Баярцогтыг нэр дэвшихгүй гэсэн сургаар Сэлэнгэ аймгийн МАН-ын хорооныхон амралтын өдрүүдийг баяр ёслолын байдалтай өнгөрөөсэн гэнэ. Тэд 2008 оноос хойш ингэж баярлаж үзээгүй гэхэд болно. Гайхалтай нь тэртэй тэргүй нэр хүнд унасан гэх хүнээс тэгтлээ айж байсан нь давхар харагдсан. Сэлэнгийн МАН-ынхан баяроаж байхад хотод хоёр хүн айн бэмбэгнэж байгаа Сү.Батболд, Д.Цогтбаатар хоёр гэнэ. Түүн дээр “Дорнын говь”ийн Дэлгэрсайхан нэмэгдэх биз. АН-ын уриалгад ямар нэгэн хариу өгөх учиртай М.Энхболд “андуураад” Ардын намаас офшорд холбогдсон этгээдүүдийг УИХ-ын сонгуульд нэр дэвшүүлэхгүй гээд хэлчихбэл яана… Харин С.Баярцогтын тухайд ийнхүү улстөрөөс гарч байна. Дараагийнх нь гарч иртэл дахиад 30 жил болох тул хэсэгтээ л тайван байцгааж болох нь…
НУУЦ.мн
