Нууц мэдээллийн уурхай

АН-ын дарга офшор данстангуудыг УИХ-ынсонгуульд нэр дэвшүүлэхгүй хэмээн С.Баярцогтыг нэр цохоод бусад намыг энэхүү хөдөлгөөнд нэгдэхийг уриаллаа. Энэ нь хамгийн түрүүнд АН-ын дарга М.Энхболдод хаягласан уриалга юм. Энэ намаас олон хүн офшорын шуугианд холбогдсон ч хамгийн том “бурхи” нь Ерөнхий сайд асан Сү.Батболд, БХБ-ын сайд асан Д.Цогтбаатар нар юм. Панамын арал дахь оффшор бүсэд бүртгэлтэй компани ”Batu-Mining Limited” компанид хувь эзэмшдэг Монгол Улсын дөрвөн иргэн байгааг Олон Улсын эрэн сурвалжлах сэтгүүлчдийн сонсорциумаас зарласан. МАН-ын ливерүүдийн нэг Сү.Батболд, Д.Цогтбаатар, “Петровис” компаний ерөнхий захирал Ж.Оюунгэрэл болон иргэн Д нар оффшор бүсэд данстай гэж мэдээлэгдсэн. Сүүлийн хоёр нь улстөрөөс “ангид” хүмүүс агаад эхний хоёр нь л Ардын намын мэргэжлийн улстөрчид юм. Сү.Батболд нь Засгийн газар тэргүүлж байсан бол яам удирдаж байсан Д.Цогтбаатар нь арай гайгүй нэр цэвэртэй гэгдэж явлаа. Гэтэл сонгуулийн өмнөхөн офшорын дуулианд холбогдоод сайхан нэрээ “баастах” нь тэр. Хэрэг мандсаны дараа яаран сандран Бээжин ниссэн гэдэг нь бүр ч хардлага сэрдлэгийг нэмэгдүүлсэн. Өдгөө намын дарга нь энэ хоёроо нэр дэвшүүлэхгүй гэдгээ АН-ын даргын адил зарлах цаг нь иржээ. Эсвэл офшортонгуудтайгаа эвлэрч байгаагаа мэдэгдэх хэрэгтэй.