Нууц мэдээллийн уурхай

АН-ын дарга З.Энхболд саяхан “Би офшор данс эзэмшигчдийн эсрэг байр суурьтай байна. Манай нам офшор дансны асуудалд нэр холбогдсон хүмүүсийг УИХ-ийн сонгуульд нэр дэвшүүлэхгүй. Бусад намыг ч ингээсэй гэж уриалья. Тиймээс С.Баярцогтыг УИХ-ын сонгуульд нэр дэвшүүлэхгүй” гэж мэдэгдэн шуугиан тарилаа. Ийнхүү гурван өндөрлөгийн хоёр нь ЗГХЭГ-ын даргын эсрэг нэгдэж өдгөө Ерөнхий сайд Ч.Сайханбилэг л байр сууриа илэрхийлэх үлдлээ. Гэхдээ сонгуульд нэр дэвшүүлэхгүй гэсэн нь хариуцлага тооцож байгаа хэлбэр мөн үү гэдэг нь сонин. Бусад улсын жишгээр албан тушаалаас нь огцруулж хуулийн байгууллагаар шалгуулах тухай З.Энхболд дуугарсангүй. Гэхдээ нэр дэвшүүлэхгүй гэсэн нь офшор данстангуудтай хийх тэмцлээс илүүтэйгээр ойртож байгаа АСЕМ-аас болсон байх магадлалтай. Дэлхийн олон арван удирдагчдын өмнө Монголын төр Панамын дулианд холбогсодтойгоо хэрхэн хатуу тэмцэж байгаагаа харуулах ёстой болсон. Нэг ёсны гэрийн даалгавар гэхэд болно. Гэтэл хэлэх юмгүй сууж байх нь тэр тусмаа Ц.Элбэгдоржийн цаашдын карьерд нөлөө үзүүлэх магадлалтай. Иймд С.Баярцогтоор “туг тахихаар” шийдэн Ерөнхийлөгч эхэлж түүнийг Монгорлын төрд гай таригчаар нь дуудлаа. Дараа нь намын дарга нь нэр дэвшүүлэхгүй гэв. Хачирхалтай нь С.Баярцогт дээрээс ирж байгаа “шийдвэрийг” тун тайван хүлээж авч байгаа гэнэ. Энэ нь тодорхой хэмжээнд тохироо хийгдсэн байхыг үгүйсгэхгүй байна. Офшорд холбогдсон С.Баярцогтыг АСЕМ-ийн арга хэмжээнд оролцуулах нь Монголын нэр хүндэд муу тул сонгуулийн дараахан гадаадад томилж магадгүй байна. Гэхдээ АСЕМ-ийн үеэр Монгол нь офшортонгуудтайгаа хэрхэн тэмцэж байгааг харуулсан үзүүлэн таниулах “самбар”-ын үүргээ сайн гүйцэтгэх хэрэгтэй гэнэ.

НУУЦ.мн