Казакстанд анх удаа Назарбаевыг эсэргүүцсэн цуглаан боллоо
.jpg)
1989 оноос хойш Казакстаны төрийн эрхэнд сууж байгаа Нурсултан Назарбаевыг эсэргүүцсэн анхны цуглаан болжээ. Гэхдээ сөрөг хүчнийхэн төлөвлөсөн ёсоороо эсэргүүцлээ илэрхийлж чадсангүй. Бүх томоохон хотод энэ сарын 21-нд зэрэг эхлэх байсан ч ихэнхид нь хүчнийхэн зогсоож чаджээ. Цагдаа нар сөрөг хүчнийхнийг жагсаал хийх газраа цуглаж эхэлж байхад нь л баривчилж саатуулжээ. Бүр замаас нь хүртэл барьж байсан гэнэ. Эсэргүүцлээ илэрхийлэх шалтаг нь өнгөрсөн жил батлагдсан газрын тухай хуулийн өөрчлөлтөөс үүдсэн аж. Гадаадынханд газар тариалангийн газрыг 25 хүртэл жилээр эзэмшүүлэхээр хуульд тусгасан нь олон нийтийн дургүйцлийг төрүүлжээ. Ерөнхийлөгч Назарбаев өөрөө олонтоо тайлбар мэдэгдэл хийсэн ч өдгөө түүний үгэнд үл итгэгсэдийн төлөө улам өссөөр байна. Эрх баригчид газрын хуулийг эсэргүүцсэн жагсаал цуглаан нь яваандаа Назарбаевын эсрэг хөдөлгөөн болж хувирна хэмээн эмээж байгаа аж.
