Бали арлыхныг бүтэн 2 жил “атамандсан” тулааны аваргыг 17 удаа буудан хөнөөжээ
.jpg)
.jpg)
Хоёр жилийн өмнө Францаас Бали аралд шилжин суурьшсан холимог тулааны дэлхийн экс аварга Амокрано Сабэг орон нутгийн цагдаагийнхан 17 удаа буудан хөнөөжээ. Гэхдээ арлынхан энэ үйлдлийг зэрлэг харгис хэмээн үзэхгүй байгаа гэнэ. Учир нь талийгаач тулааны аварга арал дээр 2013 онд нүүж ирсэнээсээ хойш нутгийхнийг айлгаж зодож дарамталж амьдралыг нь бараг л там болгох шахсан цуутай дээрэлхүү, бүдүүлэг харгис эр байжээ. Tribun Bali сонинд бичсэнээр 49 настай Сабэ ирсэн даруйдаа нэгэн жижигхэн амралтын газрыг худалдан авчээ. Гэхдээ аялал жуулчлалын бизнесийг биш айлган сүрдүүлэх ажил хийж эхэлсэн гэнэ. Арлын өмнөд эргийн олон баар зоогийн газраар үйлчлүүлээд тооцоогоо хараал зүхэл заналхийлэл эсвэл нударгаараа төлдэг гэнэ. Айж бажигдсан баарны эзэд сүүлдээ мөнгө нэхэхээс айгаад багахан л ууж идээд гараасай хэмээн залбирдаг байжээ. Нэгэн цэнгээний газрын эзэн “зөөгч нарынхаа хашгирах чимээгээр зааланд гарахад Сабэ тэднийг маань болгож тавьж байлаа. Хамгаалагч нарыг аль хэдийн нам унагачихаж. Би бараг л мөргөх шахан гуйж байж зэрлэг зодоончийг гаргасан. Дараа нь ахин битгий оруул гэж хамгаалагч нартаа үүрэгдсэн ч тэд Сабэг хараад л зугтаадаг. Өмнөд эргийн олон баар шөнийн цэнгээний газрын аймшигт зүүд нь байсан даа...Бүгд л Сабэг хар жагсаалтандаа оруулсан гэдэг ч тэр дуртай газраасаа хүссэнээ уудаг иддэг авдаг байсан” гэжээ. Тулааны аварга баар зоогийн газрыг баллаад зогсохгүй сүүлдээ оршин суугчдыг нь ч зүгээр явуулахаа байсан гэнэ. Бүсгүтэй яваа залууг зогсоогоод “хүүхэн чинь надад таалагдлаа, надад өг” хэмээн шууд нэхэж зоддог болжээ. Арлын оршин суугчдын олон арван гомдлын эцэст цагдаагийнхан Сабэг баривчлахаар очиход тэрээр хутга барин гарч ирж цагдаа нар луу дайрчээ. Цагдаагийнхан эхлээд резинэн сумаар буудаад дараа нь нэг цагдаа нь хутгалуулахад шууд л галллаж эхэлжээ. Ийнхүү тулааны аварга 17 удаа буудуулан золгүй үхлээр хорвоог орхисон гэнэ.
