Нэр дэвших Г.Тэмүүлэн “Увидасын шүтээн”-ээс нэрээ “цэвэрлэж” авчээ
.jpg)
Өнөөдөр цахим ертөнцөд ГОК-оос төрсөн тэрбумтан хэмээн цоллуулаад байгаа –“Эрдэнэт” үйлдвэрийн захирал асан Ганзоригийн хүү Тэмүүлэн нэр дэвгших нь тодорхой болсон. Ямар ч байсан аав нь хүүгээ “сойж” байгаа сурагтай. Монголын саалийн үнээг удирдаж байсан эцэг нь хүүгээ улс төр болон хурдан моринд уруу татсан. Тэрээр аавынхаа “дэмжлэггүйгээр” МАН-ын элит давхаргад орж Уул уурхайн дэд сайд болж нэлээд “зодоонтойгоор” НАМЗХ-ны ерөнхийлөгч болсон. Нэр дэвших хүнд сайн эцгийн болон өөрийнх нь сэвгүй нэр гэдэг тун чухлыг Г.Тэмүүлэн харуулж байна. Түүний нэр дэвших тойрог нь аавынх нь төрсөн нутаг Архангай аймаг агаад тэндээ золголт хийх зэргээр нэлээд ажилласан. “Увидасын Шүтээн” гэдэг уянгалаг нэртэй компани өнгөрсөн жил байгуулагдаад өдгөө Архангай аймгийн Цахир суманд ““Увидаст орон” цогцолбор төсөл хэрэгжүүлж байгаа гэнэ. Төслийн таницлуулгыг гоёмсогоор хийлгэн нутгийн иргэдэд тараасанд 42-р хуудсны “Менежментийн баг” гэсэн хэсэгт “...Нийгмийн ардчилал Монголын залуучуудын холбооны ерөнхийлөгч Г.Тэмүүлэн” гэсэн нэр цохиж явжээ. Нутгийн том баяны хүү төсөл хэрэгжүүлэх багийн бүрэлдэхүүнд орсон нь цахирчуудад эерэг нөлөө үзүүлэх биз. Гэхдээ төслийг дэмжсэн дэмжээгүй алин боловч миний нэрийг зөвшөөрөлгүй ашигласан хэмээн Г.Тэмүүлэн уурлаад хуулийн байгууллагаар айлгаж байгаад “Увидасын Шүтээн” компанийг буулгаж авчээ. Нутгийн иргэдэд тараагдсан танилцуулгыг хураан авч шинэ танилцуулгаас НАМЗХ-ны ерөнхийлөгчийн нэрийг хасан нэлээд юм болсон гэнэ. Уг нь сонгууль дөхөж байхад ямар нэгэн “бүтээн байгуулалт”ын төсөлд нэр нь хавчуулагдсан байхад нэр дэвшигчид ихээхэн дуртай байдаг. Гэхдээ “Увидаст орон” төсөл хэрэгжсэн хэрэгжээгүй ямар ч байсан түүнтэй орооцолдоод л хэрэггүй хэмээн Г.Тэмүүлэн үзсэн гэнэ. Ийнхүү тэрээр нэр дэвшиж магадгүйн учир нэрэндээ туйлын харам хажиг байна. УУ-н дэд сайд байхад нь НАМЗХ-ны сөрөг хүчин яамных нь гадаа жагсан бөөн шуугиан дэгдсэн. Хэрвээ нэрээ “цэвэрлэх” гэж байгаа бол түүнийг хэрхэн зохицуулах вэ гээд нэр дэвшигчдийг тодруулах ирэх сарын 7-ны өдөр хүртэл хийх ажил их л бололтой.
