Нууц мэдээллийн уурхай

УИХ дахь АН-ын бүлгийн дарга Б.Гарамгайбаатараас болж тойрог нь бөөн өрөнд унаж магадгүй болжээ. Бүлгийн дарга нам болон чуулган дах бүл чадлаараа аагласаар байгаад тойрогтоо нэг мандат нэмүүлэн гурав болгож чадсан. Энэ нь мэдээж сөрөг намынханд таалагдсангүй. Тэр тусмаа тойргийн мандатын тоогоо хасуулсан нөхдүүд бүр ч их уурлан дайрцгаасан. Б.Гарамгайбаатарын Хэнтийд нэг мандат нэмх зайлшгүй шаардалгатайг байталсан гаргалгаа нь тун “энгийн бас ойлгомжтой” байсан. Учир нь монгол хүн бүхний мэддэг Чингис хааны төрсөн нутаг гэдгээр түрий барьсан. Ийнхүү зүтгүүлсээр тойрогтоо нэг мандат нэмүүлээд авсан тул өдгөө тал бүрээс нь ирж байгаа шүүмжлэл дайралтыг тоосон шинжгүй явна. Хэнтий нь Их хааны төрсөн нутаг тул ийм дархан бас давуу эрх эдлэх гавьяатай аж. Дээр нь өнгөрсөн жил аймгийн төвөө Чингис хот хэмээн нэрлэсэн нь бүр ч сүрийг оруулсан гэхэд болно. Гэхдээ “ямбыг нь эдэлж байгаа бол ялыг нь даа” гэсэн үг бий. Нэгэнт хэнтийчүүд Чингис хаантай холбоотой бүхнийг дангаараа эдэлж  түүгээрээ бамбай хийн давуу эрх эдэлж байгаа бол үүрэг хаиуцлагыг нь ч давхар үүр гэх яриа гарчээ. Тэр нь Чингис бондын өр хэмээх дааж давшгүй их мөнгөний тухай яриа юм. Энэ өрийг Б.Гарамгайбаатарын дэвшүүлсэн “Их хааны онол”-оор нийт монголчууд бус харин зөвхөн хэнтийчүүд төлөх логик гаргалгаа гарч байна.

НУУЦ.мн