Хятад Ираны нефтээс татгалзвал Тегераны чих “зөөлрөнө”
Ираны эргэн тойрны үйл явдал бас нэг шинэ “үзэгдлээр” нэмэгджээ. Вашингтон Тегераныг “зөөлөн” чихтэй болгох аргыг олсон гэнэ.
АНУ-ын Сангийн сайд Гайтнер Бээжинд айлчлал хийж байгаа ба Гайтнер Бээжинг Иранаас худалдан авах нефтийн хэмжээгээ багасгах шийдвэртэй ирсэн гэж Гонконгийн телевиз мэдээлсэн байна. Иран уран баяжуулах хөтөлбөрөө улам өргөжүүлж байгаагаа мэдэгдсэн. Хэрвээ Хятад АНУ-ын саналыг хүлээн авбал Ираны эсрэг хориг арга хэмжээ үр дүнтэй болж Тегераныг хэлэлцээрийн ширээнд суулгах боломж нэмэгдэнэ. Вашингтон Хятадад хариу ямар санал тавих нь тодорхой бус байгаа ч шинжээчид АНУ Хятадад “таалагдах” санал тавина, энэ нь шинэ технологитой холбоотой гэж үзэж байгаа юм. Латин Америкийн удирдагчид Ираны ерөнхийлөгчийг дэмжиж байгаа ба Хятад хоригт нэгдвэл ойрын хөрш Орос ганцаардах юм. Олон улсын цэргийн шинжээчид Ираны зэвсэгт хүчин Ормузын хоолойг богино хугацаагаар ч гэсэн хаах чадвартай боловч энэ үйлдлээрээ дэлхий нийтийг өөрийн эсрэг байр суурьтай болгоно гэж таамаглаж байна.
Mr.Tuulai NUUTS.MN
Your answer shows re*** inceglilente.