Засгийн газар тайлангаа тавихыг шаардав
Сонгууль болоход зургаа хүрэхгүй сарын хугацаа үлдээд байхад АН Засгийн газраас гарах болсонтой холбогдуулж өнөөдөр “Монгол ньюс” мэдээллийн төвд Сонгуулийн маркетинг, менежментийн академиас хэвлэлийн бага хурал зарлалаа. Тэд “засгийн газраас Ардчилсан нам гарсныг буруутган хамтарсан Засгийн газрыг тайлангаа тавихыг шаардав. Тус академиас улс орны эрх ашгийг нэгдүгээрт тавьж байна, бид аль нэг намын эрх ашгийг төлөөлж, тэднийг хамгаалаагүй” гэв. Мөн “Иргэдийн сонголтоор гарч ирчихээд иргэдээр тоглож болохгүй, ажлаа тайлагна. Сонгууль дөхөж байхад ингэж сонгогчдоор “даажигнаж” улс төр хийж болохгүй. Ард түмэн бол тоглоом биш, эрх бүхий намууд улс орныхоо хөгжлийн стратегийг яриагүй байж, хамтарч хуйвалддаг шударга бус зүйлтэй үзэл бодол нийцэхгүй байна” хэмээн мэдээлэл хийлээ.
Н.Намсрай NUUTS.mn
Dag nabbit good stuff you whrppeisnappers!