Пакистан: Экс ерөнхийлөгчөө гэмт хэрэгтэн гэж зарлан, эрэн сурвалжилж байна
.jpg)
Пакистаны шүүх экс ерөнхийлөгч Первез Мушаррафыг “гэмт хэрэгтэн, шүүхээс оргон зайлсан” гэж зарлажээ. Түүнийг Пакистанд ирсэн тохиолдолд баривчлах шийдвэр гарсан тухай Английн “Би-Би-Си” мэдээлж байна. Мушаррафыг Пакистаны ерөнхий сайд асан Беназир Бхуттог 2007 онд алсан хэрэгт холбоотой гэж үзэж байгаа юм. Пакистаны ерөнхий прокурор Шодри Ажара Мушаррафын Пакистанд байгаа бүх өмчийг битүүмжлэн улсын хамгаалалтанд авах, банкны данснуудыг хаах шийдвэр гаргажээ. Шийдвэр Пакистаны ард түмний хууль ёсны өмч хөрөнгийг “үрж үгүй” болгохоос өмнө нь хамгаалалтандаа авах зорилготой гэнэ. Мушарраф Лондон, Дубайд орогнож байгаа юм. Түүний өмч хөрөнгийн хэмжээ тодорхойгүй бөгөөд засгийн эрх барж байх үедээ олон тэрбум долларын хөрөнгийг хууль бусаар эзэмшсэн гэж үзэж байна.
