Нууц мэдээллийн уурхай

Ормузын хоолойд Ираны тэнгисийн хүчин сургуулилт хийж байгаатай холбогдон үүссэн олон улсын харилцааны хурцадмал үед Тегеран Вашингтонд хандан бас нэг мэдэгдэл хийжээ. Ираны армийн ерөнхий командлагч  хэрвээ оны өмнө Персийн булангаас гарч явсан Америкийн нисэх онгоц тээгч John C. Stennis хөлөг байнгын бааздаа эргэн ирвэл харамсалтай юм болно шүү гэж анхааруулсан байна. Иран Америкийн тэнгисийн цэргийн цохилтын хүчин Ормузын хоолойд орж ирмэгц “Бид Ормузын хоолойг хаах гээгүй” гэж яаруу мэдэгдэл хийж байснаа мартсан бололтой. Товчхондоо Америкчуудын араас “хуц” гэж хэлжээ.
Ираны ерөнхий командлагч Атаолла Салехи “Иран өөрийн анхааруулгыг давтахгүй. Дайсны хөлөг бидний сургуулилтаас болж Оманы буланд ирсэн. Би Америкийн хөлөг Персийн буланд эргэн ирэхгүй байсан нь дээр гэдгийг зөвлөж байна. Эс тохиолдолд бид хариу арга хэмжээ авах болно” гэж мэдэгджээ. Гэхдээ ямар арга хэмжээ авах талаар тодорхой зүйл хэлээгүй байна. Энэ үеэр Оросын албан ёсны төлөөлөгч “Иранд цөмийн зэвсэг хийх боломж одоохондоо байхгүй” гэж мэдэгдэн Иранчуудын урмыг хугалжээ.

Mr.Tuulai NUUTS.MN