Үхлийн тойрогт хүчээр илгээгдсэн Н.Учрал, Г.Тэнгэр хоёр хөөрхий...
.jpg)
Ардын намын хувьд Сонгинохайрхан дүүрэг нь үхлийн тойрог болжээ. Эндээс гарчих ядаж 50 хувийн магадлалтай хүн нэг ч алга. Аварга Д.Сумьяабазарт нь ч намдаа болон өөртөө амлалт өгч чадахгүй бэмбэгнэж явна. АН-аас Н.Алтанхуяг, Д.Эрдэнэчимэг нэр дэвшинэ. Мөн Б.Батбаатарын нэр бас сонсогдоод эхэлсэн. Хамгийн олон хүнтэй дүүрэгт жин далайц ихтэй томчууд нь очих ёстой ч хоёр ногооноороо яваа залуу нэр дэвшихээр болсон нь Н.Учрал, Г.Тэнгэр хоёр юм. Н.Учралын хувьд өмнөх жилүүдэд Хэнтийд ажиллаж хамаг хөрөнгө мөнгө, цаг хугацаагаа зарцуулсан атал намын дотоод тохироогоор Д.Оюун-Эрдэнэд мандатаа булаалгасан. Үнэндээ түүнийг дотны дүүгээ дэргэдээ авах гэсэн Н.Хүрэлсүх хөөчихсөн байх магадлалтай юм. Ингээд л Сонгинохайрхан дүүрэгт буухаас өөр аргагүй болжээ. Харин Г.Тэнгэр нь өмнө нь өрсөлдөөд 29 хувийн санал авсан Д.Тэрбишдагвын дараа 21 хувийн санал авч байсан. Уг нь тэр санал дээрээ дөрөөлөөд дөрвөн жилийн турш ажиллах ёстой байсан болов ч Японд хамаг цагаа өнгөрөөсөн. Өдгөө Монголын эдийн засаг муудсан, Сонгиохайрхан дүүрэг хамгийн олон хүнтэй гэсэн ерөнхий мэдээлэлтэй л сонгуульд орох гэж байна. Дүүргийн намын хороо, үүрүүдэд түүний нэг ч “гар хөл” байхгүй гэхэд болно. Н.Учралын хувьд ч мөн адил. Энэ бүхнээс үзэхэд нэг нь тэнгэр харж нөгөө сонгуульд унах учралтай тулах бололтой. Харин намын архагууд нь тэдний хувь заяаг төдийлэн сонирхохгүй байгаа сурагтай. Зарим нэгнийх нь ам алдсанаар одооноос сонгуульд унаж боохын хатууг үзэх хэрэгтэй гэсэн аж.
НУУЦ.мн
