Хувь өгдөг болохоор нам нь Д.Дамба-Очирд тендер өгөх дуртай гэнэ үү...
Улаанбаатар-Лүнгийн 135 км замыг барих ажлыг 2006 онд тендерт ялж авсан “Очир-Төв” компани тус замыг улсын комисст хүлээлгэн өгөөгүй байна. Учир нь уг зам дээр эвдрэл гараад байгаа тул комисс хүлээж авахгүй байгаа юм байна. Өмнөх тендерээр авсан ажлаа хүлээлгэж өгөөгүй байгаа тус компани Оюутолгойгоос улсын хил хүртлэх автозамыг барих болон тэндээс Оюутолгой хүртэл өндөр хүчдэл татах тендерт шалгарсан байна. Оюутолгой тухайн компанид тендерээ өгөхгүй гэсэн боловч Эрдэс баялаг, эрчим хүчний сайд Д.Зоригт эл компанид дарамт үзүүлэн “Очир-төв” компанид уг тендрийг өгүүлсэн гэж эх сурвалж хэллээ. “Очир-Төв” компани нь УИХ-ын гишүүн Д.Дамба-Очирынх гэдгийг хүмүүс мэднэ. Д.Дамба-Очир авсан тендерийнхээ 10 хувийг намдаа хандивладаг сайн гишүүдийн нэг. МАН түүнээс арван хувийг нь авахын тулд Оюутолгойн эрчим хүчний шугам татах, зам барих тендерийг нь өгүүлсэн нь энэ бололтой.
