Аавынхаа нутагт “хайргүй” гишүүн Д.Дамба-Очир
Эрдэнэтээс сонгогдсон гишүүн Д.Дамба-Очирын аав нь Төв аймгийн Өнжүүл сумынх гэдэг. Гэтэл хүү нь аймгийнх нь Лүнгийн замыг 120 кмын ажлыг аваад там болгочихоод сууж байна. Баруун зүгт явдаг гол замын ажил нь Эрдэнэт хотын жижигхэн гудамжинд зам тавьж байгаа хэрэг биш. Хэрвээ Д.Дамба-очир тойрогтоо нэг замын ажил авсан бол ингэж хүнийрхүү хөндий хариуцлагагүй хандахгүй байсан. Ахиж сонгогдохоо бодоод маш хурдан, маш чанартай хийх хүн. Харин Төв аймгийн Лүн сумын замын ажил түүнд бараг хамаагүй. Аав нь ядаж байхад Лүнгийх биш өөр сумынх байдаг. Тэгээд л чадна бүтээнэ гэж ажлыг нь аваад цаашаа нэгэн хятад компанид өгчихсөн. Түүнийхээ хойноос бараг хөөцөлдөөгүй гэхэд болно. Нөгөө компани нь 120 км урт замыг бүхлээр нь хуулснаас өөр ажил хийсэнгүй. Ийм урт замыг хуулаад хаяхад тэнд там үүсэх нь ойлгомжтой. Дамба-Очирын тамын замаар явсан иргэдийн бухимдал дургүйцэл арай гэж л нэг гишүүний чихэнд хүрч байх шиг. Гэтэл тэрээр хятадуудыг буруутгасаар сууна. Дээр нь арай урт замын ажил авчихжээ гэж булзааруулдаг гэсэн. Аавдаа хайртай хүү бол нутагт нь хийж байгаа замын ажлыг аавын хүү шиг л тавих байсан даа.
Nuuts.mn
