З.Энхболд “эвлэрүүлэн зуучлагч” уу “эвцрэлцүүлэн талцуулагч” уу...
.jpg)
АН-д хоёр удирдлагатай хоёр салсан орон нутгийн намын байгууллага нэгээр нэмэгдлээ. Өмнө нь Дархан, Дорнод аймгийн намын гишүүдийг хоёр талцуулаад байсан бол одоо Орхоны намын гишүүд бүр Сонгуулийн хорооны байрны өмнө зодолдохдоо тулжээ. Намын дотоод хагаралд нь намын дээд байгууллага нь “эвлэрүүлэн зуучлагч” биш харин ч эвдрэлцүүлэн талцуулагч маягаар оролдог нь бүр хууль болжээ. Дарханы намын эсэргүүцэгчид нь намын дээд удирдлагаа шүүмжилэн хотод ирж өлсгөлөн зарлалаа. Өдгөө тэнд “Шонхор” фракцийн Дашийнхан хязгааргүй ноёрхож байна. Дорнод аймгийн АН-ын хурлыг генсек Л.Эрхэмбаяр нь удирдан хийлгэх гэж очоод бөөн хэл ам дэгдээсэн. Гол зорилго нь намын хууль ёсны даргыг нь авч хаях байсан бололтой. Тэгвэл энэ удаад намын дарга З.Энхболд нь Орхон аймгийн намын дарга, УИХ-ын гишүүн Ч.Батчимэгийн итгэмжлэлийг албан ёсоор цуцлан өөр хүнд намыг төлөөлөх итгэмжлэл өгчээ. Эцэст нь бөөн бантан зуурагдаж намын гишүүд нвь олны өмнө зодолдож цонхоор материалаа шидэж олны доог тохуу боллоо. Намын дээд удирдлага оролцсон газар бүхэнд хуваагдал гарч байна. Орхонд хэзээ ч хуваагдашгүй гэдэг МоАХ-ын салбар нь хүртэл шинэ хуучин удирдлагаа дагаад хоёр хуваагджээ.
НУУЦ.мн
