Оюутолгойн гэрээг офшор данстангууд хийжээ
Даан ч муу гэрээ болсоны нэг шалтгаан нь эндээс харагдаж байна гэх хардлага хамгийн түрүүнд төрлөө. Оютолгойн гэрээг офшор данстангууд хийчихсэн байна. Тухайн үед дэлхийд хосгүйд орох том ордыг сул шахам өгсөн гэрээг голлон хийсэн, одоо цээжээрээ хамгаалдаг ихэнхи нөхдүүд өдгөө олон улсын сэтгүүлчдийн эрэн сурвалжлах багийн илчилсэн офшор данстангуудын жагсаалтанд орсон аж. Олон улсын сэтгүүлчид С.Баярцогтын офшор данстайг батлаад харин дээр нь нэмж Монголоос С.Баярын охин Нандин Бадамханд нарын нэрсийг зарлалаа. Тэднийг ерөнхий сайд асангийн охид гэх хардлага тэр дороо л дэгдсэн. Өмнө нь С.Баярцогтыг УИХ-ын дэд даргын алба хашиж байхад нь Швейцарийн банкинд нэг сая гаруй ам.долларын нууц данстай тухай мэдээлэл “The Guardian” сайтад гарсан нь тэр жилийн гол шуугианы нэг байсан. Энэ мэдээлэл цацагдсаны дараахан дэд дарга С.Баярцогт хэвлэлийн хурал яаран зарлаж “мөнгө бүгдээрээ минийх биш” гээд тухайн үед данс нээлгээд дараа нь мартсан хэмээн цайруулах гэсэн. Цайруулалт амжилтгүй болж дээр нь Хятадын Монгол гэх хэл аманд унасан. Үүнийг нь өдгөө хятад нэрний тухай шуугиан нь залгамжилан авч улам дэвэргэлээ. С.Баярцогт офшор дансны хэргээ яаж ч мэлзэж тайлбарласан ч олон нийт Оюутолгойн гэрээг байгуулсан эрхтэн дархтангууд офшор данстай болсоныг ухаарах цаг болжээ.
