АН-ын аархал МАН-ын гомдлоор дууссан тойргийн тулаан
УИХ-ын сонгуулийн тойргийг хувааж идэх тулаан дуусаж АН Ардын намыг илт давуугаар яллаа. Асуудал оруулсан байгууллага нь төслөө танихгүй болтлоо толгой нь эргэсэн хоёрдахь тохиолдол болж байна. Уг нь Сонгуулийн ерөнхий хороо тойргийн хувиарлалтыг боловсруулж оруулсан ч Өршөөлийн тухай хуулийн төслөө өөрсдөө ч танихаа байсан Хууль зүйн сайдын “гунигт хувь заяаг” давтаад дуусав. Энэ удаагийн тулаанд АН сарвайсан бүхнээ авч Ардын нам байдгаа алдлаа. МАН-ын хэдэн гишүүний амнаас гарсан үгээр нь тэд хэрхэн бут цохиулсан болохыг төсөөлж болно. УИХ-ын гишүүн Ц.Нямдорж:АН-ынхан та нар өнөөдөр өөрсдийгөө дийллээ гэж бодож байх шигАрд ️түмэн та нарыг 6.29 өдөр дийлнэгэсэн бол Н.Энхболд: Ер нь энэ ИХ одоо ажлаа зогсоовол яасан юм бэ? дээ. Одоо ер нь олигтой юм гарахгүй нь гэв. Л.Энх-Амгалан: Ямар их дээрэлхүү болчихсон юм. Ямар их ичих булчирхайгүй, ямар их бядтай болчихсон юм хэмээн үсээ үгтээсэн бол С.Бямбацогт: Та нар ерөөсөө булхай хийе, луйвар хийе, ингэж байж ялъя гэсэн байдалтай байна гэв. Тэд ийнхүү уйлан алдсан бол Ч.Хүрэлбаатар нь “АН-ын чаддаг аавын хүү нь ирээд надтай өрсөлд. Энэ зургийг зурсан хүн надтай ирээд өрсөлд. Чаддаг юм бол. Энэ тойргийг АН-ын даргын өрөөнд зурсан юм гэсэн. Намайг сонгохыг Увсын ард түмэн мэддэг юм. Би амлаж авч байна” хэмээн Н.Алтанхуягийг халз тулаанд дуудлаа.
NUUTS.mn
