МАХН-ын нэр дэвшигчид эхнээсээ тодорлоо
Н.Энхбаярын намаас Ц.Улаан, Д.Тэрбишдагва нар гарсаны дарааахан сул орон зай нэлээд гарчээ. Тэр нь нэр дэвшигчидээ тодруулсан байдлаас нь харагдаж байна. МАХН Сонгуулийн тухай хууль болон холбогдох дүрэм журмын дагуу анхан шатны нэгжүүдээсээ 45 мандат дээр 45 нэр дэвшигчийг тодруулжээ. Сонгуульд өрсөлдөх нэр дэвшигчдийг МАХН-ын анхан шатны үүрүүдээс сонгож ирүүлсэн бөгөөд хурлын шийдвэрээр сонгогдсон нэр дэвшигчдийг ямар ч тохиолдолд өөрчлөхгүйгээр батлах шийдвэрийг гаргасан гэнэ. Тус шийдвэрийг дагуу Баянгол дүүрэгт Г.Нямдаржаа, Н.Бaатарням, М.Амартүвшин, Баянзүрх дүүрэгт Д.Баясгалан, С.Ононбаяр, Б.Дэмбэрэлдондов нар дэвшихээр болсон байна. Харин Сонгинохайрхан дүүрэгт Д.Баярсайхан, н.Мөнхцэцэг, Б.Баттулга, Хан-Уул дүүрэгт Б.Жагар, С.Оюунцэцэг, Я.Дашдорж нар дэвшихээр мандатаа авсан бол Налайхад Н.Баяраа, Багахангайд Д.Энхсайхан, Багануурт, Ц.Хишигбаатар дэвшихээр болжээ. Харин Чингэлтэй дүүрэгт Ц.Содхүү, Л.Шагдаррагчаа, С.Сэргэлэн, М.Лхагважав нар мандат авчээ.
