Фэйсын найз нар нь 4 настай хүүгийн төрсөн өдрийг “аварчээ”
Нийтэлсэн: 2016-05-10 05:15:45
Австралид нэг ч найз нь ирээгүйн улмаас аймшигтайгаар төгсөж магадгүй болсон төрсөн өдрийн баярыг фэйсын найз нар нь аварчээ.Мельбурн хотын эмэгтэй Рошель Брайнингийн хүү дөрвөн настай Тайноны төрсөн өдөр болж “Макдональдс”-д тэмдэглэхээр захиалга өгчээ. Гэтэл баяраар нь уригдсан 12 найз нараас нь нэг нь ч ирсэнгүй. Болсон явдалд цочирдсон эмэгтэй фэйсбүүк хуудсандаа “...би одоо өрөөндөө ганцаараа суугаад уйлж байна. Хүүгийн маань баярд уригдсан 12 найз нарын зарим нь ирж чадахгүй гэдгээ утсаар хэлж үлдсэн нь ямар ч хариу өгөлгүй таг боллоо. Дөрвөн настай хүү маань найз нар ямар байдгийг мэдрэх анхны баяраа хийх гэж байхад шүү..би тэдэнд маш их гомдож байна. Баярт нь зориулж том сайхан бялуу хийлгэсэн ч төрсөн өдрийн дуу дуулах нэг ч хүүхэд алга” хэмээн бичжээ. Гэтэл энэ постын дараа фэйсын найз нарых нь 30 гаруй хүүхэд баярт нь иржээ. Зарим бүр хотын захаас цаг гаруй явж ирсэн гэнэ. Мөн хотын гал командынхан ирж машинаа үзүүлж сонирхуулжээ.
NUUTS.mn
