Нууц мэдээллийн уурхай

АН-д нэгэн супер эр байдаг нь Б.Ариунсан гэдэг. Түүнд мэдэхгүй чадахгүй зүйл бараг үгүй нь хийж байсан ажлуудаас нь харагддаг. Нийгмийн халамж, татвар тагнуул гээд хоорондоо ямар ч хамааралгүй огт өөр салбаруудад аваачиж тавихад АН-ын итгэл найдлагийг “алдаж байсан” удаа нэг ч үгүй гэнэ.  Бүхнийг чаддаг Б.Ариунсан нь очсон газар бүртээ ажилтнуудаа сайхан амлалт өгч байсан гэдэг. Хамгийн сүүлд тэрээр ТЕГ-ын даргаар ажилласан. Татварын даргаар очоод ажилтнуудтайгаа уулзахдаа та нарын цалинг сарын нэг сая төгрөг болгоно хэмээн амласан тухай яриа одоо ч яригддаг. Энэ голдуу булган шубээр гангарсан байцаагч хүүхнүүдийн сэтгэлийг нэг их хөдөлгөөгүй ч чихэндээ тогтоогоод авчээ. Гааль замын цагдаа нарыг цалин буухад “өө бас цалин өгдөг юм уу” гэж гайхдаг тухай явган шог яриа байдаг. Хэдийгээр сая төгрөгний цалингийн яриа татварыхныг татаж яадаагүй ч амлалт бол амлалт л байх учиртай. Амлалтыг мэдээж биелүүлэх ёстой. Даан ч цаг хугацаа давчдаж татварын байцаагч нарыг оны өмнө амралтгүй ажиллуулсан ч цалингийн хэмжээ сая төгрөгт хүрсэнгүй. Энэ зуур Б.Ариунсан сонгуульд нэрээ дэвшүүлнэ хэмээн ажлаа өгсөн. Түүний төрсөн нутаг Говь-Алтайд ирэх сонгуулиар ширүүн зодоон болох шинжтэй. АН-ынхан цаг алдалгүй хөдөлж байгаа тул “Монгол тамхи”-ны Ц.Дашдоржийг эзгүй хойгуур нь баахан муулсан гэнэ. Эзнийг нь МАН-ынхан дор нь тогтоосон агаад тэр нь ГХ-ийн сайдтай болж таарчээ. Энэ удаагийн сонгуульд аймгийн удирдлагыг авсан гэдгээрээ АН-ынхан хүч түрэх нь ойлгомжтой болсон. Санаанд оромгүй үйлдлээрээ олныг гайхшруулж байдаг Засаг дарга Амгаланбаатарыг сонгуулийн өмнө юу хийхийг таахын аргагүй.

NUUTS.mn