АН-ын шонхор “Алтангадас”-ын дэвэлтээр ниснэ
Хоёр сар гаруйн дараа болох сонгуульд оролцох улстөрийн намууд Сонгуулийн ерөнхий хороонд мөрийн хөтөлбөрөө өгсөн. Олон удаа сонгуульд оролцож олон сайхан мөрийн хөтөлбөрд амаа шороо үмхтэл хууртагдсан монголчуудын ихэнхи хашраад намуудын сонгуулийн мөрийн хөтөлбар гэх мөрөөдлийн жагсаалтыг сөхөж үзэхээ байсан. Мөрийн хөтөлбөр нь хэзээнээсээ биелэгдэх боломжгүй ард түмнийг шилний цаанаас чихэр долоолгох зорилттой олон хуудас цаас байдаг. Нэрнээсээ эхлээд сонгогчдийг өөртөө татах хуурах гэнэ. “Төрөө хямралаас гаргаж түмнээ ядуурлаас аврая” гэх юм уу “Улс шиг хөгжиж хүн шиг амьдарья” зэрэг итгэмээр үгтэй байсан. Гэсэн ч одоо болтол төр нь ч хямралаас гараагүй түмэн олон нь хүн шиг амьдраагүй байна. АН-ын сонгуульд оролцох мөрийн хөтөлбөрийг намын дарга З.Энхболд тэргүүтэн нь СЕХ-д өөрийн биеэр авааичж өглөө. Мөрийн хөтөлбөр гардуулах ажиллагаанд оролцогсод нь голдуу “Шонхор” фракцийнхан байсан. Гэтэл мөрийн хөтөлбард нь дурдсан хийсэн гэх ажлуу нь нөгөө муу нэртэй Н.Алтанхуягийн Засгийн газрын үед эхлүүлсэн, хийсэн хийж байгаа хөтөлбөр арга хэмжээнүүд байгаа гэнэ. Өдгөө хуйвалдаанаар унасан Шинэчлэлийн гэх Засгийн газрын хэрэгжүүлсэн хэдэн ажил л АН-ын нүүрийг тахлаж байна гэхэд хилсдэхгүй. Энэ Засгийн газрын хийсэн бүтээсэн бүхнийг өмнөө барин сонгуульд оролцох нь нэгэнт тодорхой болжээ. Гэтэл нүүр тахалж намаа аварсан экс Ерөнхий сайд нь намынхаа дээд удирдлагыг гүтгэсэн гүжирдсэн хэргээр хуулийн байгууллагад дуудагдаад явж байгааг “Алтангадас”-ынхан эсэргүүцэж байна.
NUUTS.mn
