Төрийн албан хаагч эмэгтэйчүүдийг гадаадынхантай харьцахыг хоригложээ
Хятадад төрийн албан хаагч эмэгтэйчүүдэд зориулан гадаадынхантай холбоо тогтоох уулзах харилцах нь аюултай болохыг анхааруулсан комикс ном гаргажээ. “Таны сэтгэлийг татсан аятайхан гадаад залуу тагнуул ч байж магадгүй” хэмээн бичсэн уг номыг сурамжтай хайр сэтгэлийн түүхээр сэдэвлэн хийсэн гэнэ. 16 зургаас бүрдсэн уг номонд төрийн албан хаагч эмэгтэй Лиг Хятадад сонирхолтой нэгэн төсөлд ажиллахаар ирсэн гэх шаргал үст гадаад эр Дэвид болзоонд урьсанаар эхэлдэг. Гадаад залуу цэцэг бэлэглэж үнэтэй зоогийн газруудаар дагуулан явж цэцэрлэгт хүрээлэнгээр зугаалдаг. Хятад бүсгүй өөрт татагдаж байгааг мэдсэний дараа тэрэр Лиг ажлын газрынхаа зарим бичиг баримтыг үзүүлэхийг хүснэ. Лиг татгалзахад “хайрт чи надад итгэхгүй байна уу би ердөө харчихаад л буцаагаад өгнө” гэх мэтээр ятгасаар зөвшөөрүүлдэг. Amnesty International-ийн Хятад дахь салбарын ажилтан Уильям Нигийн мэдэгдсэнээр сүүлийн үед топ зэрэглэлийн их дээд сургуулийн эмэгтэй оюутнууд гадаад залуучуудтай үерхэх нь ихсэж байгаа гэнэ. Төрийн албан хаагч эмэгтэйчүүд ч үүнээс дутахгүй болжээ. “Энэ комиксыг гаргаснаар эрх баригчид гадныхан бүгд тагнуул хорлон сүйтгэгчид мэтээр ойлгуулж олон нийтийг байнгийн айдаст байлгахыг санаархаж байна” хэмээн тэрээр ярьжээ. Өдгөө энэхүү комиксыг төрийн бүх шатны байгууллагуудад тарааж байгаа гэнэ.
NUUTS.mn
