Нууц мэдээллийн уурхай

Өнөөдөр МАН-ын Бага хурал хуралдаж байна. Хурлаар 2016 оны сонгуулийн мөрийн хөтөлбөрөөс гадна МАН, МАХН сонгуульд эвсэж орох талаар хэлэлцсэн гэнэ. Урьдчилсан байдлаар тохироо хийж эвслийн даргаар М.Энхболд ТУЗ-ийн даргаар Н.Энхбаярыг сонгожээ. Үүнээс гадна УИХ-ын бие даагч гишүүн Х.Болорчулуун, Ц.Даваасүрэн нар МАН-ын гишүүнчлэлийн эрхээ сэргээжээ. Тэд МАН-ын Бага хуралдаа оролцож байна. 2012 оны УИХ-ын сонгуульд Хөвсгөл болон Дорнод аймгаас бие дааж нэр дэвшин УИХ-д сонгогдсон бөгөөд намынхаа гишүүнчлэлийг сэргээснээр тэд энэ сонгуулиар МАН-аас нэр дэвших боломжтой болж байгаа аж.  Ийнхүү хоёр гишүүн нь төрхөмдөө буцаж иржээ. Үүнийг сугалах ажиллагаа ч гэж ярих хүмүүс байна. МАХН, ХҮН-д гүйж орсон нөхдүүдээ энэ мэтээр сугалах бололтой. Ц.Даваасүрэнгийн тухайд МАН-ыг шинэчлэгдсэн цагт л буцаж орно гэж ярьдаг байсан. Түүний өгүүлж байснаар Ардын намын шинэчлэлийн нэг хэмжүүр нь Ц.Нямдорж агаад мэнгэт байвал МАН шинэчлэгдээгүй гэж үзнэ гэдэг мэдэгдэж байсан удаатай. Тэгвэл Увсын нөхөр байсаар л байхад намдаа эргэн оржээ.