Нууц мэдээллийн уурхай

Монголчууд минь бие биенээ ингэх хэрэг юу байна гэмээр л санагдах юм. Тухайн хүн архи худалдан авсан ч гэсэн дэлгүүрт нь орлого оруулсан нь үнэн. Найман нэрийн дэлгүүрүүдийн гол орлогийн нэг нь архи пиво байдаг нь нууц биш. Гэтэл архи худалдаж авсны төлөө байнгийн үйлчлүүлэгчтэйгээ муудалцах шаардлагабайсан эсэхийг Буудай дэлгүүрийн эзэн бодмоор юм. Болсон явдлын тухайд Буян-Өлзий нь “…2016 оны 2 дугаар сарын 29-ний орой 21 цагийн үед Буудай хүнсний дэлгүүрт архи авахаар орсон. Тэр үед эзэн Чинзориг байсан. Би 1 шил авъя гэсэн чинь Чинзориг намайг ахиухан авахгүй юм уу? гэсэн тэгэхээр нь би …үгүй ээ, ахад нь 1 шил архи байхад л болно… гэж хэлсэн. Тэгсэн та нар хэзээ ийм байсан юм. Дахиад ирдэг биз дээ. Нэгмөсөн л авах хэрэгтэй шүү дээ гэснээс болж тийм зүйл болсон. Би хохирогчийг чи дорд үгээр харьцаад байна шүү дээ гэхэд та муусайн юмнууд ийм л байдаг шүү дээ гэхэд нь би архи авч байх үедээ цохичихмоор хүн үү гээд далайсан чинь цохичихооч, чаддаг юм бол цохь, та нар чадахгүй шүү дээ гэж хэлсэн. Тэгэхээр нь авсан архиа өвөртөө хийсэн байсныгаа гаргаж ирээд дараа нь ахиж маргасаныхаа дараа 2 дахь далайлтаар цохисон, энэ бол миний буруу. Тухайн үед ер нь энэ хүмүүс яахаараа хүнийг эд мөнгөөр нь ялгаж харьцдаг юм бэ? гэсэн гомдол бодогдсон учраас энэ хүнийг цохичихсон. Би архиар нэг цохиод зүүн гарын дотор талаар шанаа руу нь нэг цохисон. Цохисны дараа Чинзориг энийг чинь л хүлээж байсан юм, та муу сайн юмнуудын мөнгийг тоолж өгнө өө. Мөнгө тоолж чадахгүй юм бол шоронд байхгүй юу гээд намайг уурлаж, түлхсэн асуудал болсон. Тухайн үед дэлгүүрт Чинзоригийн эгч, өөр бусад хүмүүс байсан” гэжээ. Харин ганц шил архи зүгээр зарчихаж чадаагүй Чинзориг нь “… Миний бие өөрийн ажиллуулдаг Буудай дэлгүүрт бараагаа зараад сууж байтал гаднаас Буян-Өлзий гэх манайхаар үйлчлүүлдэг, 50 орчим насны  эрэгтэй хүн орж ирээд 1 шил 0.5 граммын Арвай нэртэй архи аваад кассан дээр бичүүлсэн. Тэгэхээр нь би манайхаар байнга үйлчлүүлдэг болохоор нь тоглоод та ахиад 1 шилийг авахгүй юмуу гэтэл намайг архичин гэж доромжиллоо гэж хэлээд хэл амаар дайрч эхлэхээр нь би олон юм ярилгүй гар та, тоглоом даахгүй бол гэтэл чамайг чинь харин цохичихмоор нөхөр үү гээд энгэртээ байсан шилтэй архийг гаргаж ирээд надруу далайхаар нь цохивол цохичихгүй юу гэтэл намайг толгой хэсэг рүү шилтэй архиараа 1 удаа цохисон ба шилтэй архи нь хагарсан. Мөн шууд залгуулаад зүүн гараараа шанаан тус газарт 1 удаа цохисон” гэжээ. Энэ дэлгүүр нь Сонгинохайрхан дүүргийн 22 дугаар хорооны нутаг дэвсгэрт байрладаг гэнэ.

NUUTS.mn