Нууц мэдээллийн уурхай

UЭх үрийн ариун холбоог гутаасан ахин нэг гарчээ. Энэ удаад эх нь төрүүлсэн хүүхдээ хаясан уу эсвэл алахыг санаатайгаар завдсан уу гэдэг нь тодорхойгүй байгаа гэнэ. Алаг адуу овгийн Г. Өнөр.... гэдэг 21 настай бүсгүй Баянзүрх дүүргийн 5 дугаар хороо, 205 дугаар байрны хогийн бункерт өөрийн төрүүлсэн 2 хоногтой нярай хүүхдээ хийж санаатайгаар алахыг завдсан гэмт хэрэгт холбогдсон. Баянзүрх дүүргийн Прокурорын газраас түүнд Эрүүгийн хуулийн ерөнхий ангийн 32 дугаар зүйлийн 32.1 заасныг журамлан тусгай ангийн 92 дугаар зүйлийн 92.1 дэх хэсэгт зааснаар яллах дүгнэлт үйлдэж хэргийг шүүхэд шилжүүлсэн. Харин бүсгүй “...таван давхарт хүүгээ тавьсан, тавьсанаа санаж байгаа болохоос хогийн бункерт хийсэнээ мэдэхгүй байна...” гэх ,  “...бункерт хүүхдээ хаясан гэдгээ хүлээн зөвшөөрч байна...” гэх,  “...4 давхарын бункерийн нүхээр хүүхдээ хаясан, дараа нь хэн ирж авахыг нь харж байсан...”гэх хоорондоо эрс зөрүүтэй мэдүүлгүүд удаа дараа өгсөн нь хэргийг будлиантуулжээ. Үүний хамтаар  Г.Өнөр...-ын  сэтгэл санааны гүнзгий хямралд орсон эсэх талаарх тодруулах тогтоох шаардлага гараад байгаа гэнэ. Дөрвөн давхрын бункерийн нүхээр доошоо унаад амьд үлдсэн ус уух хувьтай хүүхэд нь эрэгтэй гэнэ. Хүүгийн биологийн эцгийг олж тогтоосон ч тэрээр  ДНК-ийн шинжилгээний хариу гараад байхад хүртэл "миний хүүхэд биш" хэмээн зүтгэсээр байгаа аж. Хоёр хоногтоо нярайгаа бункерийн нүхээр ажрахгүй хаядаг бүсгүй энэ хэрэгтээ цагдан хоригдоогүй гадуур байцаагдаж байна. Тэрээр өдгөө "ухаарсан" агаад Эрүүл мэндийн яамны харъяа хүүхдийн төв сувилалд эрүүл бойжиж байгаа хүүгээ долоо хоногт нэг удаа эргэдэг гэнэ.