Наран улсад Шодойн фестивалийг өргөн дэлгэр тэмдэглэжээ
Жил бүрийн 4-р сарын 3-нд Арлын оронд 17-р зуунаас хойш тэмдэглэж ирсэн Шодойн баяр өргөн дэлгэр болжээ. Эхэн үед энэ баярыг зөвхөн Канаяма сүмийн лам тайлгач нарын хүрээнд л хийдэг байжээ. Харин дэлхийн 2-р дайны дараагаас олон нийтийг хамарсан баяр болон өргөжсөн гэнэ. Шодойн баярыг хийх болсон тухай аман яриа домог нь тун сонирхолтой. Эрт дээр үед хүний биенд орсон үзэсгэлэнт охин тэнгэр хараалд өртөж ариун үтрээнд нь аймшигт хурц шүд соёо нууцаар ургажээ. Нүгэлт хүний амьдралаар амьдарч байсан охин тэнгэр нөхөрт гарахад анхны шөнө нь өнөөх хурц шүд нь эр нөхрийнх нь эрхтэнг тас хазан үхүүлсэн гэнэ. Дараагийн нөхөрт нь ч бас ийм аймшигт хувь зохиол үхэл учирчээ. Харин Канаяма сүмийн нэгэн дархан лам охин тэнгэрийн биенээс хараал жатгыг хөөн гаргахын тулд төмөр эрхтэн бүтээн үтрээнд нь хийж араа шүдийг нь хугалсан аж. Шүд хугармагц хараал арилж охин тэнгэр дараагийн нөхөртэйгээ аз жаргалтай сайхан амьдарсан гэдэг. Баярын өдөр эрчүүд хотын гудамжаар нөхөн үржихийг билэгдсэн гурван өнгийн асар том эрхтэнг дамнан Канаяма сүмд хүргэдэг. Энэ үеэр өргөн зугаалга болж үүргийн худалдаачид шодойн хэлбэртэй бэлэг дурсгал зарна. Гудамжны мухлагт тогоочид мөн л шодойн хэлбэртэй элдэв төрлийн амттан хоол хүнсээр үйлчилдэг гэнэ. Сүүлийн үед Японы шодойн баярт гадаадын трансексүүд их ирдэг болжээ.
