Олимпийн 8 удаагийн аварга эрэгтэй Олимпийн 3 удаагийн аварга эмэгтэйг жирэмслүүлжээ
Нийтэлсэн: 2016-04-07 01:04:54
Дэлхийн биатлончид цаначид өдгөө Олимпийн 8 удаагийн аварга алдарт норвеги эр Уле-Эйнар Бьёрндален болон Олимпийн 3 удаагийн аварга Белоруссын Дарья Домрачева нарын тухай шуугиж байна. Хоёр аварга 2010 оны Ванкувэрийн олимпийн наадамаар анх таницлсан агаад хоёр жилийн дараанаас тэднийг учиртай болсон хэмээн шуугиж гарсан. Гэсэн ч тэд энэ тайлбар мэдэгдэл хийгээгүй ирсэн. Тэгвэл аугаа норвеги биатлонч өөрийн цахим хуудсандаа "Одоо бид өөрсдийгөө сэтгэлтэй хосууд гэж хэлж болохоор боллоо. Бүр удахгүй шинэ хүнтэй болно. тэр мөчийг тэсэн ядан хүлээж байна" гэж бичжээ. Хоёр аваргын хүүхэд ирэх намар төрөх аж. Норвегийн хэвлэлүүдэд бичиж байгаагаар 2012 онд Белоруссын биатлоны шигшээ баг Австрийн Оберхиллэ гэдэг цаны баазад бэлтгэл хийж байхад Бьёрндален хувиараа мөн бэлтгэл хийхээр очсон аж. Энэ явдлын дараахан тэрээр нутагтаа ирээд зургаан жил ханилсан эхнэрээсээ салж шуугиан дэгдээсэн. Сочигийн олимпийн үеэр гурван алтан медаль авсан норвеги эр хаалтын ёслол болоход Белоруссын багийн дунд зогсож байсан гэдэг. Энэ олимпийн дараа тэднийг далайд хамт амарсан тухай яриа ч гарсан.
