Вибраторыг бөмбөгтэй андууран бүтэн гудамжыг чөлөөлжээ
Нийтэлсэн: 2016-04-07 00:48:34
Германы хойд нутгийн нам гүмхэн жижигхэн хот Хальберштадт өчигдөр Европод гэнэтхэн алдаршжээ. Тус хотод алан хядлага гарч магадгүй гэх шуугиан дэгдээд инээдтэй хэрэг болж хувирсан нь ийнхүү од-хот болгожээ. Хотын иргэд олноороо цугладаг цэцэрлэгт хүрээлэнгийн эрэгтэй жорлонгийн хогийн савнаас сэжигтэй дуу гарч байгааг цэвэрлэгч нар олж сонсоод сантехнигчдийг дууджээ. Тэд сонор сэрэмжтэй хүмүүс байсан тул шууд цагдаад дуудлага өгсөн гэнэ. Тэсрэх бодисын мэргэжилтнээр хүч нэмэгдүүлсэн цагдаа нар ирээд шууд л хүрээлэнг хамгаалалтанд авч тэнд амарч зугаалж байсан 100 гаруй хүнийг яаралтай гаргажээ. Guardian сонинд бичсэнээр хогийн савыг шалгаж үзэхэд гайхалтай явдал болж тэсрэх бөмбөгч биш харин эмэгтэй хүний зайгаар ажилладаг чичирдэг вибратор гарч ирсэн гэнэ. Сааваагүй нэгний хогийн саванд хаясан вибраторын зай гэнэт ажиллаж сонин дуу авиа гарган бүхэл бүтэн хотыг айлгаж сандарган дээр нь цагдаагийн хүчний бэлэн байдлыг шалгажээ.
NUUTS.mn
