Стив Жобсын бэлэвсэн эхнэр доллард умбан тансаг амьдарч байна
Нийтэлсэн: 2016-04-05 15:40:37
Алдарт "Apple"-ийг үндэслэгч талийгаачийн бэлэвсэн эхнэр Лоурен Пауэлл Жобс нөхрөө амьд сэрүүн байхад ч олон нийтийн өмнө гарч байгаагүй. Түүнийг өдгөө хэрхэн амьдарч байгааг Америкийн "Business Insider" сайт мэдээлжээ. Өдгөө 52 настай Лорен нь анхны Айфоныг гарахаас арван жилийн өмнө буюу 1991 онд Стив Жобстой гэрлэсэн. 2011 онд нөхрөө нас барсаны дараа бүх хөрөнгийг нь өвлөн авсанаар дэлхийн хамгийн баян 50 эмэгтэйн нэг болжээ. Форбесын тооцоолсноор 16,7 тэрбум долларын хөрөнгөтэй болсон тэрээр l’Oreal (Лилиан Бетанкур), Wal-Mart (Элис Уолтон), Mars (Жаклин Марс), Ferrero (Мария Франко) и BMW (Сюзан Клаттен) нарын дараа жагсаалтын зургаад бичигдэж байна. Лорены хөрөнгийн ихэнхи хэсгийг талийгаач нөхөр нь 7.4 тэрбум доллароор худалдаж авсан "The Walt Disney Co" компаний хувь нь бүрдүүлдэг гэнэ. Өдгөө энэ хувьцаа 12.4 тэрбумаар үнэлэгддэг гэсэн ч нөхрийнхөө үүсгэсэн "Apple" компанид 500 сая долларын үнэ хүрэх хувь эзэмшдэг гэнэ. Стив нь компаниасаа гарахдаа өөрийн 11 хувиа зарсан агаад тэр нь өдгөө 65 тэрбумын үнэлгээнд хүрдэг гэнэ. Нөхрөө бурхан болсоны дараа Лорен нь Пола-Альто дахь найман саяын үнэтэй байрыг нэр дээрээ шилжүүлж авсан. Саяхан тэрээр нөхрийнхөө барихаар төлөвлөж байсан "мөрөөдлийн хотхон"- ы барилгын ажлыг үргэлжүүлэх зөвшөөрөл авчээ. Калифорнийн Вудсайд хэмээх сайхан газар Стив 1985 онд 1,5 мянган акр газар худалдан авч йогийн төв, усан бассейн, цагаан хоолтнуудын зочид буудал зэргийг барихаар төлөвлөж байсан гэнэ. Үүнээс гадна мөн энд байх долоо болон 12 сая долларын үнэтэй хоёр эдлэн газар нь талийгаач нөхрөөс нь ирсэн. Өнгөрсөн жил Лорен нь Малибу арал дээр 12 унтлагын өрөөтэй тансаг байшинг 40 сая доллароор худалдан авчээ. Стивын хэрэглэж байсан 40 саяын үнэтэй "Gulfstream G-V", 60 саяын үнэтэй "Gulfstream G650" загварын хоёр онгоцыг Лорен хөлөглөдөг. Мөн 130 саяын үнэтэй 80 метр урттай Venus усан онгоцоор нь аялдаг.
