Лесби охиныхоо амрагийг хөнөөлгөх гэж 10 мянган юань төлжээ
Нийтэлсэн: 2016-04-01 03:16:32
Хятадын Хэнань мужийн Лиюанг хотод 22 настай бүсгүйн амийг санаатай хөнөөсөн хэргээр гүйцэтгэгч болон захиалагчийг нь баривчилжээ. Захиалагч нь хохирогч бүсгүйн ижил хүйстэн амрагийнх аав нь байж таарчээ. Тэрээр охиныхоо гаж бэлгийн харилцааны талаар сургуулийн найз нараас нь мэдсэн гэнэ. Ялангуяа хохирогчтой холбоотой болсны дараа хичээлдээ эрс муудан эцэг эхтэйгээ ч байнга хэрэлддэг болжээ. Аав нь охиноо хэвийн хүн болгох гэж янз бүрийн аргаар оролдсон боловч дийлсэнгүй. Эцэст нь охин нь амраг бүсгүйтэйгээ хамт зугтан алга болжээ. Гэвч эцэг нь хувийн мөрдөгч хөлслөн оргодол хоёрыг Лиюанг хотод очоод байр хөлслөн амьдарч байгааг олж чаджээ. Аргаа барсан тэрээр “асуудал шийддэг” нөхдүүдтэй уулзахад 10 мянган юаниар хэрэг явдлыг бүрмөсөн зохицуулж өгнө гэсэн санал тавьсан тул гүйцэтгүүлэхээр болжээ. Гүйцэтгэгч нь захилагчийн охины амрагийг хөлсний байр луугаа явж байхад нь хулгайлаад хүчирхийлсний дараа хөнөөгөөд цогцсыг нь голд хаясан тухай Nanjing Television –ээр мэдээлсэн байна
