Тачаангуй оюутан бүсгүй Путинээс тансаг байр авсан нь шуугиан дэгдээлээ
Оросын ерөнхийлөгч Путинээс Москва хотын баячуудын хороололд байр авсан дөрвөн эмэгтэйн шуугиан дэгдээд байна. Энэ талаар эрэн сурвалжилсан баримт материалыг Reuters цацжээ. Хамгийн түрүүнд Кремль албан ёсоор мэдэгдэл гаргаж байр авсан бүсгүйчүүдийн тухай мэдээллийг няцаасан. Харин Reuters -ын баталснаар Петербургийн бизнесмэн Григорий Баявский нь Путины бага охин Катерина Тихонова, Путинтай холбоотой хэмээн шуугиулдаг Алина Кабаевагийн хоёр эмэгтэй хамаатан болон Оросын ЕТГ-аас гаргасан баярын мэндчилгээнд зургаа авахуулсан оюутан бүсгүй нарт үнэтэй байр өгсөн гэнэ. Тэдгээр байрнууд нь бүгд Москвагийн баячуудын хороололд байдаг аж. Агентлагийн мэдээлснээр “Путины эртний анд бизнесмэн Григорий Баявский нь дээрхи эмэгтэйчүүдэд үнэтэй үл хөдлөх хөрөнгийг шилжүүлсэн болон зарсан байх өндөр магадлалтай байна. Үүний нэг баримт нь Путины бага охин Катерина Тихоновагийн нэгэн компаний хөрөнгийн жагсаалтад Баявскийн эзэмшдэг үнэтэй хаус орсон нь үл хөдлөх хөрөнгийн бүртгэлээр батлагдсан” гэжээ. Баявский нь 2006 он хүртэл Петербургийн төрийн өмчит нэгэн том компаний үл хөдлөх хөрөнгө хариуцсан дэд захирлаар ажиллаж байжээ. Дараа нь Путины багын анд гэгдэх Аркадий Ротенбергийн хамтаар тансаг зэрэглэлийн орон сууцны барилгын салбарт орсон гэнэ. Агентлагийн баталж байгагаар Баявскийн компани нь улсын зургаан тэрбум рубль буюу 89 сая долларын захиалгийг сүүлийн хоёр жилийн дотор авч чаджээ. Түүнээс Путины амраг гэгдэж байсан Алина Кабаевагийн эмээ 81 настай Анна Зацепиллина болон дүү Лейсон Кабаева нар нь байр авчээ. Мөн Москвагийн Их сургуулийн оюутан, Путины сураталчилгаанд байнга зургаа авахуулдаг 23 настай Алиса Харчёвой байр авсан гэнэ.
